Josefina Leuchtenbergekoa

Josefina Leuchtenbergekoa
	; (1858) Irudi gehiago
Queen Consort of Sweden (en)	; 1844ko martxoaren 8a - 1859ko uztailaren 8a ; ← Désirée Clary - Luisa Herbeheretakoa →
Queen Consort of Sweden (en)
Bizitza
Jaiotza	Milan, 1807ko martxoaren 14a
Herrialdea	Suedia ; Italiako Erresuma (1861eko martxoaren 17a -
Heriotza	Stockholmeko Errege Jauregia eta Stockholm, 1876ko ekainaren 7a (69 urte)
Hobiratze lekua	Riddarholmen eliza
Familia
Aita	Eugène de Beauharnais
Ama	Augusta Bavariakoa
Ezkontidea(k)	Oskar I.a Suediakoa (1823ko ekainaren 19a -
Seme-alabak	ikusi Karlos XV.a Suediakoa; Prince Gustaf, Duke of Uppland (en) ; Oskar II.a Suediakoa; Eugenia Suediakoa; Prince August, Duke of Dalarna (en) ;
Haurrideak	ikusi Princess Theodolinde de Beauharnais of Leuchtenberg (en) ; Eugénie de Beauharnais (en) ; Maximilian de Beauharnais, 3rd Duke of Leuchtenberg (en) ; Auguste de Beauharnais (en) ; Empress Amélie of Brazil (en) ; Carolina Clotilde de Beauharnais (en) ;
Leinua	House of Beauharnais (en)
Jarduerak
Jarduerak	ezkontidea eta arte bildumagilea
Jasotako sariak	ikusi Dame Grand Cordon of the Order of Saint Catherine (1831) ;

Josefina Maximiliana Eugenia Napoleona de Beauharnais, ezagunagoa Josefina Leuchtenbergekoa izenez (Milan, Italia, 1807ko martxoaren 14a – Stockholm, Suedia, 1876ko ekainaren 7a) Suedia eta Norvegiako erregina ezkontidea izan zen 1844 eta 1859 urteen artean, Oskar I.a Suediako erregearen emaztea. Bolognako printzesa eta Galliera eta Leuchtenbergeko dukesa ere izan zen.^[1]^[2]^[3]

Bizitza

Eugenio de Beauharnais Leuchtenbergeko lehen dukearen (1817, Bavariako Maximiliano I.a Josef Bavariako erregearen aldetik) eta Augusta Amalia Bavierakoaren (Maximiliano I.a Bavariako erregearen eta Augusta Guillermina Hesse-Darmstadteko printzesaren alaba) alaba zaharrena zen. Bere lehen izena aitaren aldeko amonari zor zion, Josefina enperatrizari, eta hirugarren izena, Napoleona, Napoleon Bonaparte enperadoreari.

Ezkontza

Suediako eta Norvegiako Oskar (gero Oskar I.a Suediakoa) printze oinordekoarekin ezkondu zen, 1823ko maiatzaren 22an, Municheko Leuchtenberg jauregian. Urte bereko ekainaren 19an zeremonia bat ospatu zen Stockholmen. Ziur aski, senar-emazteek legitimazio dinastikorako helburuak ere bazituzten, Josefina Gustavo I.a Suediako Vasaren ondorengoa baitzen amaren aldetik. Era berean, herriaren gogokoa izan ez zen Kristian II.a Danimarkako erregearen ondorengoa zen amaren aldetik.

Suediara iritsi eta sei egunera, bere hirugarren izenari, Napoleona, uko egin behar izan zion, Suediak Napoleonen aurkako bandoan bat egin zuelako Europako gerretan. Josefina enperatrizarengandik jasotako hainbat bitxi ikusgarri eraman zituen berekin, Parisko bitxi-denda ospetsuetan eginak. Bitxi horiek oraindik ere Suediako errege-familiarenak dira.

1824an Norvegiako erregeordea izan zen eta bere senarrarekin batera bidaiatu behar izan zuen herrialde horretako hiriburura, Kristianiara (gero Oslo). Hantxe bizi izan zen hilabete batzuetan bikotea Stockholmera itzuli baino lehen.

Karlos XIV. Joan Suediakoa hil zenean, Oskar I.a Suediakoa tronura igo zen eta Josefina Suediako eta Norvegiako erregina ezkontidea bihurtu zen.

Erregina gisa egin zituen jardueren artean karitate lanak egon ziren. Pinturazalea zela adierazi zuen, eta senarrak proposatutako erreformak sustatu zituen. Katolikoa zen, eta bere seme-alabak erlijio luteranoan heztea onartu zuen arren, erlijio askatasunaren alde ere borroka egin zuen, 1860an baimendu zena.

Bere bizitza pribatuan, Oskarren desleialtasuna jasan zuen, Emilie Högqvist aktorea izan baitzuen maitale.

Josefina 1876ko ekainaren 7an hil zen, Stockholmen, 69 urte zituela. Hileta erritu katolikoan egin zen.

Ondorengotza

Karlos (1826-1872), Eskaniako dukea, Suediako eta Norvegiako erregea 1859tik 1872ra, Karlos XV.a Suediakoa izenez.
Gustavo (1827-1852), Upplandeko dukea.
Oskar (1829-1907), Östergötland-eko dukea, Suediako erregea 1872tik 1907ra eta Norvegiako erregea 1872tik 1905era Oskar II.a Suediakoa izenez
Eugenia Suediakoa (1830-1889).
Augusto Suediakoa (1831-1873), Dalarnako dukea.

Ohorezko goraipamenak

Santa Isabel ordenako dama. (Bavariako Erreinua)
Gurutze Izartuaren Ordenako lehen klaseko dama. (Austrohungariar Inperioa)^[4]

Erreferentziak

↑ (Gaztelaniaz) dayhist.com. «Josefina de Leuchtenberg: Reina Consorte de Suecia y Noruega» dayhist.com (kontsulta data: 2025-06-19).^{[Betiko hautsitako esteka]}
↑ Makcimovich, Ivan. (martes, 7 de julio de 2009). «Monarquías de Europa y del mundo: JOSEFINA DE LEUCHTENBERG. REINA CONSORTE DE SUECIA.» Monarquías de Europa y del mundo (kontsulta data: 2025-06-19).
↑ (Gaztelaniaz) «Josefina de Leuchtenberg - EcuRed» www.ecured.cu (kontsulta data: 2025-06-19).
↑ Nationalbibliothek, Österreichische. «ÖNB-ALEX - Staatshandbuch» alex.onb.ac.at.

Kanpo estekak

Datuak: Q229810
Multimedia: Josephine of Leuchtenberg / Q229810

Aurrekoa: Désirée Clary	Suedia eta Noevegiako erregina ezkontidea 8 de marzo de 1844ko martxoaren 8a – 1859ko uztailaren 8a	Hurrengoa: Luisa Herbeheretakoa
Aurrekoa Titulu berria	Gallierako dukesa 1812-1838	Hurrengoa: Raffaele Kuigi de Ferrari, Lucedioko printzea

[1] (Gaztelaniaz) dayhist.com. «Josefina de Leuchtenberg: Reina Consorte de Suecia y Noruega» dayhist.com (kontsulta data: 2025-06-19).^{[Betiko hautsitako esteka]}

[2] Makcimovich, Ivan. (martes, 7 de julio de 2009). «Monarquías de Europa y del mundo: JOSEFINA DE LEUCHTENBERG. REINA CONSORTE DE SUECIA.» Monarquías de Europa y del mundo (kontsulta data: 2025-06-19).

[3] (Gaztelaniaz) «Josefina de Leuchtenberg - EcuRed» www.ecured.cu (kontsulta data: 2025-06-19).

[4] Nationalbibliothek, Österreichische. «ÖNB-ALEX - Staatshandbuch» alex.onb.ac.at.

[1]

[2]

[3]

[4]