Peg Phillips

Peg Phillips
	; Irudi gehiago
Bizitza
Jaiotza	Everett, 1918ko irailaren 20a
Herrialdea	Ameriketako Estatu Batuak
Lehen hizkuntza	ingelesa
Heriotza	Seattle, 2002ko azaroaren 7a (84 urte)
Heriotza modua	berezko heriotza: pneumopatia
Hezkuntza
Hizkuntzak	ingelesa
Jarduerak
Jarduerak	aktorea, telebista-aktorea eta zinema aktorea

Peg Phillips (Everett (Washington), 1918ko irailaren 20a-Seattle, 2002ko azaroaren 7a) aktore estatubatuarra da. Northern Exposure telesailean Ruth-Anne Miller dendariaren rola betetzeagatik da ezaguna^[1].

Biografia

Lau urte zituenetik aktore nahi zuen izan eta gaueko antzokian hobby gisa aritzen zen. Washingtoneko Antzerki Eskolara joan nahi izan zuen baina ez zuen nahikoa dirurik eta lanean hasi behar izan zuen^[1]. 18 urte zituela Kaliforniara joan zen bizitzera^[2].

Bi aldiz ezkondu zen eta bietan banandu. Hiru alaba eta seme bat izan zituen, Elizabeth, Kathy, Virginia eta Arthur. 1950. hamarkadan polio eta peritonitis gaixotasunak gainditu zituen^[1]. 1960. hamarkadan hiru gazteenekin bizi zen Santa Cruz (Kalifornia) hirian.

Zerga kontulari lanean aritu zen^[2] eta erretiroa hartu zuenean gaztetako ilusioa berreskuratu eta hiriko antzerki taldean sartu zen. 1984an Washingtoneko Antzerki eskolan sartu eta 1985ean Chase filmean egin zuen debuta. 1990an Northern Exposure telesailean egin zen famatu^[3]. Paper puntuala izan behar zuena ohiko bihurtu zen eta telesailak iraun zuen sei denboraldietan aritu zen lanean^[4]. Hainbat sarietarako izendatua izan zen bigarren mailako emakumezko aktore onenerako.

1995ean aorta hautsi zitzaion eta 1999an auto batek harrapatu eta aldaka eta eskumuturra hautsi zituen^[4]. 2002an hil zen birika arazoengatik. Ruth-Ann Miller pertsonaia bezala bera ere erretzaile handia baitzen^[1]. Bere seme Arthur eta alaba Kathy bera baino lehenago hil ziren.

Filmografia

Filmeak

Urtea	Filma	Pertsonaia	Oharrak
1985	Chase	Auntie Jane	Telefilmea
1990	Waiting for the Light	Iris
1991	Dogfight	kafetegiko adineko bezeroa
1994	How the West Was Fun	Natty	Telefilmea
1996	Jerry Maguire

Telebista

Urtea	Filma	Pertsonaia	Oharrak
1990–95	Northern Exposure	Ruth-Anne Miller	ohiko aktorea, 105 kapitulu
1996	Suddenly Susan	Cameron epailea	"Golden Girl Friday" kapituluan
1996	Boston Common	Rose	"A Triage Grows in Boston" kapituluan
1996	Touched by an Angel	Zelda Widdenberg	"The Journalist" kapituluan
1996–99	7th Heaven	Mrs. Hinkle	4 kapitulutan
2000	ER	Mrs. Duffy	"The Domino Heart" kapituluan

Sariak

Sariak	Urteak	Oharrak
Emmy Sariak	1993: Telesail dramatiko batean bigarren mailako emakumezko aktore onena (Northern Exposure)	Izendatua
Kalitatezko telebistaren ikusleak	1994: Kalitatezko telesail dramatiko batean bigarren mailako emakumezko aktore onena (Northern Exposure)	Izendatua
Aktoreen Sindikatuaren Sariak	1995: Telesail dramatiko batean bigarren mailako emakumezko aktore onena (Northern Exposure)	Izendatua

Erreferentziak

1 2 3 4 Oliver, Myrna; November 13, Los Angeles Times|on; 2002. (2002-11-13). «Margaret 'Peg' Phillips -- actress appeared on 'Northern Exposure'» SFGate (kontsulta data: 2020-03-08).
1 2 «Phillips, Peg (1918-2002)» www.historylink.org (kontsulta data: 2020-03-08).
↑ (Ingelesez) Press, The Associated. (2002-11-14). «Peg Phillips, 84, Actress Who Played Quirky Role on 'Northern Exposure'» The New York Times ISSN 0362-4331. (kontsulta data: 2020-03-08).
1 2 (Ingelesez) «Margaret 'Peg' Phillips, 84; TV Actress» Los Angeles Times 2002-11-13 (kontsulta data: 2020-03-08).

Kanpo estekak

Wikimedia Commonsen badira fitxategi gehiago, gai hau dutenak: Peg Phillips

Aktorearen IMDBko fitxa irakurgai (Ingelesez)

Datuak: Q3502615
Multimedia: Peg Phillips / Q3502615

[:0-1] 1 2 3 4 Oliver, Myrna; November 13, Los Angeles Times|on; 2002. (2002-11-13). «Margaret 'Peg' Phillips -- actress appeared on 'Northern Exposure'» SFGate (kontsulta data: 2020-03-08).

[:1-2] 1 2 «Phillips, Peg (1918-2002)» www.historylink.org (kontsulta data: 2020-03-08).

[3] (Ingelesez) Press, The Associated. (2002-11-14). «Peg Phillips, 84, Actress Who Played Quirky Role on 'Northern Exposure'» The New York Times ISSN 0362-4331. (kontsulta data: 2020-03-08).

[:2-4] 1 2 (Ingelesez) «Margaret 'Peg' Phillips, 84; TV Actress» Los Angeles Times 2002-11-13 (kontsulta data: 2020-03-08).

[1]

[2]

[3]

[4]