Sebastião Mascarenhas

Sebastião Mascarenhas
4. elizbarrutiko apezpiku
nagusi jeneral
Bizitza
Jaiotza	Camurlim (en) , 1959ko uztailaren 29a (67 urte)
Herrialdea	India
Familia
Haurrideak	ikusi Theodore Mascarenhas;
Hezkuntza
Hizkuntzak	konkanera; gujaratera; hindia; marathera; ingelesa; alemana; frantsesa
Jarduerak
Jarduerak	apaiz katolikoa eta apezpiku katolikoa
Ideologia eta sinesmenak
Erlijioa	katolizismoa
Erlijio-ordena	Society of the Missionaries of St. Francis Xavier (en)

Sebastião Mascarenhas (Camurlim, Salcete, Goa, 1959ko uztailaren 29a) indiar elizgizon katolikoa da, San Frantzisko Xabierkoaren Misiolarien Elkarteko kidea. 2022tik aurrera Barodako apezpikua da.^[1]

Bizitza

Joaquim Mascarenhas eta Maria Joaquina Barretoren semea, Sebastião Mascarenhas Camurlimen (Goa) jaio zen 1959ko uztailaren 29an. Theodore Mascarenhas Daltonganjeko apezpikuaren anaia da, eta beste bi anai-arreba ere baditu, Maria Dias eta Albert Mascarenhas.^[2]

Goak Pilarreko Fr. Agnel Schoolen graduatu ondoren, Ekonomikan eta Ingelesezko Literaturan lizentziatu zen Nagpurreko Unibertsitatean.^[2] Gero Filosofia ikasketak burutu zituen Nagpurreko San Karlos apaizgaitegian eta teologia ikasketak Pilarreko India Osoko Misio Apaizgaitegian.^[3] 1984ko maiatzaren 6an apaiztu zen San Frantzisko Xabierkoaren Misiolarien Elkarteko kide gisa.^[1]^[3]

Apaiz-ordenazioa jaso ondoren, honako kargu hauek izan zituen: Gujarateko Vapiko Velankani Ama Birjinaren elizako bikarioa eta Vapiko Itxaropenaren Amaren eskolako zuzendaria izan zen (1984tik 1988ra); Silvassako Pietatearen Ama Birjinaren elizako bikarioa eta Fr. Agnel High Schooleko zuzendaria (1988tik 1990era); Nagar Haveliko Sheltiko kapilaua (1990etik 1992ra); Nagar Haveliko Dudhniko kapilaua, San Frantzisko Xabierkoaren eskolako zuzendaria eta Goako Pilarreko Misio Apaizgaitegiko irakasle bisitaria (1994tik 1996ra); Goako Pilar Teologia Eskolako irakaslea eta geroago errektorea (2000tik 2009ra); San Frantzisko Xabierkoaren Misiolarien Mumbaiko probintziako nagusia (2009tik 2012ra); Damango misioko nagusia (2013tik 2017ra). 2017ko abuztuaren 10ean, San Frantzisko Xabierkoaren Misiolarien Elkarteko nagusi bilakatu zen. Ikasketak ere jarraitu zituen. 1994an Misiologian lizentziatu zen San Augustin Filosofia eta Teologia Unibertsitatean, Alemanian. 2000an Teologia Sistematikoko doktoretza lortu zuen herrialde bereko Friburgoko Unibertsitatean.^[3]

2022ko abenduaren 31n, Frantzisko aita santuak Barodako apezpiku izendatu zuen.^[3] 2023ko otsailaren 18an apezpiku-ordenaioza jaso zuen Vadodarako Arrosario Santuaren eskolaren aurrean, Oswald Gracias kardinalaren eskutik, kontsakratzailekideak Thomas Ignatius Macwan eta Filipe Neri Ferrão izanik.^[1]

Konkaneraz, gujarateraz, hindiz, maratheraz, ingelesez, alemanez eta frantsesez hitz egiten du.^[2]

Ondorengotza apostolikoa

Scipione Rebiba kardinala
Giulio Antonio Santorio kardinala (1566)
Girolamo Bernerio kardinala (1586)
Galeazzo Sanvitale artzapezpikua (1604)
Ludovico Ludovisi kardinala (1621)
Luigi Caetani kardinala (1622)
Ulderico Carpegna kardinala (1630)
Paluzzo Paluzzi Altieri Degli Albertoni kardinala (1666)
Benedikto XIII.a aita santua (1675)
Benedikto XIV.a aita santua (1724)
Klemente XIII.a aita santua (1743)
Marcantonio Colonna kardinala (1762)
Hyacinthe-Sigismond Gerdil kardinala (1777)
Giulio Maria della Somaglia kardinala (1788)
Carlo Odescalchi kardinala (1823)
Costantino Patrizi Naro kardinala (1828)
Lucido Maria Parocchi kardinala (1871)
Pio X.a aita santua (1884)
Benedikto XV.a aita santua (1907)
Eugenio Maria Giuseppe Giovanni Pacelli kardinala (1917)
Eugène Tisserant kardinala (1937)
Paulo VI.a aita santua (1954)
Agostino Casaroli kardinala (1967)
Ivan Dias artzapezpikua (1982)
Oswald Gracias kardinala (1997)
Sebastião Mascarenhas apezpikua^[1]

Erreferentziak

1 2 3 4 (Ingelesez) «Bishop Sebastião Mascarenhas, S.F.X.» Catholic Hierarchy (kontsulta data: 2025-11-29).
1 2 3 (Ingelesez) «Bishop Sebastiao Mascarenhas» Diocese of Baroda (kontsulta data: 2025-11-29).
1 2 3 4 (Italieraz) «Nomina del Vescovo di Baroda (India)» Bollettino Sala Stampa della Santa Sede 2022-12-31 (kontsulta data: 2025-11-29).

Kanpo estekak

Datuak: Q115942158

[:1-1] 1 2 3 4 (Ingelesez) «Bishop Sebastião Mascarenhas, S.F.X.» Catholic Hierarchy (kontsulta data: 2025-11-29).

[:0-2] 1 2 3 (Ingelesez) «Bishop Sebastiao Mascarenhas» Diocese of Baroda (kontsulta data: 2025-11-29).

[:2-3] 1 2 3 4 (Italieraz) «Nomina del Vescovo di Baroda (India)» Bollettino Sala Stampa della Santa Sede 2022-12-31 (kontsulta data: 2025-11-29).

[1]

[2]

[3]