Willybard Kitogho Lagho
| Willybard Kitogho Lagho | |||
|---|---|---|---|
2020ko abenduaren 28a - ← Emanuel Barbara (en)  Elizbarrutia: Malindiko elizbarrutia | |||
| Bizitza | |||
| Jaiotza | Taita–Taveta County (en) , 1958ko martxoaren 23a (68 urte) | ||
| Herrialdea |  Kenya | ||
| Jarduerak | |||
| Jarduerak | apaiz katolikoa, diakonoa eta apezpiku katolikoa | ||
| Ideologia eta sinesmenak | |||
| Erlijioa | Erromatar Eliza Katolikoa | ||
Willybard Kitogho Lagho (Taita-Taveta, 1958ko martxoaren 23a) kenyar elizgizon katolikoa da, 2020tik aurrera Malindiko apezpikua dena.[1]
Bizitza
[aldatu | aldatu iturburu kodea]Willybard Kitogho Lagho 1958ko martxoaren 23an jaio zen Taita-Taveta konderrian, orduko Mombasa eta Zanzibarko elizbarrutian, Kenyan.[1] 1965etik 1974ra Taita-Tavetako Mgange Dawida herriko Donejakue lehen hezkuntzako eskolan ikasi zuen, eta 1974tik 1978ra Mombasako San Karlos Borromeoren bigarren hezkuntzako eskolan eta 1978tik 1980ra Nairobiko Apostoluen Erreginaren apaizgaitegi txikian.[2]
1980tik 1982ra filosofia ikasi zuen Bungomako elizbarrutiko Mabangako San Agustin apaizgaitegian, eta ondoren teologia Nairobiko artxidiozesiko San Tomas Akinokoaren apaizgaitegian, 1982tik 1986ra.[2]
Arabiar Hizkuntzako titulu bat lortu zuen Erromako Arabiar eta Islamiar Ikasketetarako Pontifize Institutuan. Institutu berean Arabiar eta Islamiar Ikasketetako lizentziatura egin zuen. Geroago, Erlijio Ikasketetako masterra egin zuen Ekialdeko Afrikako Unibertsitate Katolikoan.[2]
1985eko abenduaren 21ean diakono ordenatu zuten eta 1987ko apirilaren 25ean apaiz. Mombasako elizbarrutian inkardinatuta geratu zen.[1][2]
Apaiz gisa, honako kargu hauek izan zituen: Giriamako San Mikel parrokiako bikarioa (1987tik 1988ra); Mombasako artxidiozesiko Gazteria eta Bokazio Gaietarako zuzendaria (1987tik 1988ra eta 1980tik 1990era); Miritiniko Kristo Erregearen elizako parrokoa (1989tik 1990era); Kwaleko Santa Maria apaizgaitegi txikiko errektorea (1990etik 1992ra); San Matias Mulumba apaizgaitegiko formatzaile eta irakaslea (2000tik 2001era); Bungomako San Agustin apaizgaitegiko errektore eta formatzailea (2002tik 2006ra); Kongoweako Fátimako Ama Birjinaren elizako parrokoa eta Mombasako artxidiozesiko Hezkuntza idazkaria (2007tik 2008ra); Mombasako artxidiozesiko bikario jenerala (2013tik 2020ra).[2]
2020ko abenduaren 28an, Frantzisko aita santuak Malindiko apezpiku izendatu zuen, 2018an hil zen Emanuel Barbararen ordez.[1][2] 2021eko martxoaren 19an jaso zuen apezpiku-ordenazioa Malindiko San Antonio katedralean, Hubertus van Megen artzapezpikuaren eskutik, kontsakratzailekideak Martin Kivuva Musonde eta Philip Arnold Subira Anyolo izanik.[1][3]
2024ko apirilean, Kenyako apezpiku-konferentziako kideek Willybard Kitogho Lagho apezpikua hautatu zuten Erlijioen Arteko Elkarrizketa eta Ekumenismorako Batzordeko presidente.[4] Urte bereko ekainean, Kenyako Erlijio Arteko Kontseiluko presidente hautatu zuten.[5] 2025eko uztailean, Leon XIV.a aita santuak Erlijioen Arteko Elkarrizketarako Dikasterioko kide izendatu zuen.[6]
Ondorengotza apostolikoa
[aldatu | aldatu iturburu kodea]- Scipione Rebiba kardinala
- Giulio Antonio Santorio kardinala (1566)
- Girolamo Bernerio kardinala (1586)
- Galeazzo Sanvitale artzapezpikua (1604)
- Ludovico Ludovisi kardinala (1621)
- Luigi Caetani kardinala (1622)
- Ulderico Carpegna kardinala (1630)
- Paluzzo Paluzzi Altieri Degli Albertoni kardinala (1666)
- Benedikto XIII.a aita santua (1675)
- Benedikto XIV.a aita santua (1724)
- Klemente XIII.a aita santua (1743)
- Bernardino Giraud kardinala (1767)
- Alessandro Mattei kardinala (1777)
- Pietro Francesco Galleffi kardinala (1819)
- Giacomo Filippo Fransoni kardinala (1822)
- Antonio Saverio De Luca artzapezpikua (1845)
- Gregor von Scherr artzapezpikua (1856)
- Friedrich Josef von Schreiber artzapezpikua (1875)
- Franz Joseph von Stein apezpikua (1879)
- Joseph von Schork artzapezpikua (1891)
- Ferdinand von Schlör apezpikua (1898)
- Johann Jakob von Hauck artzapezpikua (1912)
- Ludwig Sebastian apezpikua (1917)
- Joseph Wendel kardinala (1941)
- Josef Schneider artzapezpikua (1955)
- Josef Stangl apezpikua (1957)
- Benedikto XVI.a aita santua (1977)
- Pietro Parolin kardinala (2009)
- Hubertus van Megen artzapezpikua (2014)
- Willybard Kitogho Lagho apezpikua[1]
Erreferentziak
[aldatu | aldatu iturburu kodea]- 1 2 3 4 5 6 (Ingelesez) «Bishop Willybard Kitogho Lagho» Catholic Hierarchy (kontsulta data: 2026-03-22).
- 1 2 3 4 5 6 (Ingelesez) Atieno, Winnie. «Fr Lagho appointed Bishop of Malindi Diocese» Daily Nation 2020-12-29 (kontsulta data: 2026-03-22).
- ↑ (Ingelesez) Okoth, Jecinter Antoinette. «Kenya: At His Episcopal Ordination, Bishop Lagho of Malindi Diocese Promises to Work for Unity and Peace» Association of Member Episcopal Conferences in Eastern Africa (AMECEA) (Nairobi) 2021-03-26 (kontsulta data: 2026-03-22).
- ↑ (Ingelesez) Okoth, Jecinter Antoinette. «Kenya: Bishops Conference in Kenya Elects New Office Bearers for 2024-2027» Association of Member Episcopal Conferences in Eastern Africa (AMACEA) (Nairobi) 2024-04-19 (kontsulta data: 2026-03-22).
- ↑ (Ingelesez) «Rt Rv Willybard Lagho, the new Chairman of the Inter-Religious Dialogue Council of Kenya» Catholic Diocese of Malindi 2024-06-08 (kontsulta data: 2026-03-22).
- ↑ (Ingelesez) Okoth, Jecinter Antoinette. «Vatican: Pope Leo XIV Appoints Bishop Lagho from Kenya a Member of Vatican’s Dicastery» Association of Member Episcopal Conferences in Eastern Africa (AMECEA) (Nairobi) 2025-07-04 (kontsulta data: 2026-03-22).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q104536273
