Hadej

Hadej jest prvy i najstarějši iz četyreh geologičnyh eonov v historiji Zemje, ktory začel se s vozniknjenjem planeta, približno prěd 4,6 mln. lět (ocěnjaje se 4567,30 ± 0,16 mln. lět, kako to bylo stvrdženo na osnově starosti najstarějšego solidnogo materiala v solnečnoj sistemě – čestiček praha protoplanetarnogo diska, najdenyh kako hondruly i inkluzije bogate s kalcijem i aluminijem v někojih meteoritah prěd približno 4,567 mln. lět), i končal se prěd 4,031 mln. lět, v erě najstarějših znanyh nedotknutyh kamenistyh formacij na Zemji, priznanyh Medžunarodnoju komisijeju za stratigrafiju. Medžuplanetarno natolknenje, ktoro stvorilo Lunu, slučilo se rano v tutom eonu. Poslě hadejskogo eona slědil arhejsky eon, s pozdnym težkym bombardovanjem na medži medžu hadejem i arhejem.