Liban

الجمهوريّة البنانيّة
(al Jumhuriah al Lubnaniah)
Republik Liban

(Sedrez Liban) (Ardamezioù Liban)
Ger-stur: Koullouna Lilouataan Ni holl evit hor broad, hor banniel ha gloar
Yezh ofisiel	arabeg
Yezhoù all	galleg, saozneg, armenianeg
Relijionoù	muzulmaned 50% ; druzed 5% ; kristenien 45%
Kêr-benn	Beirout
Prezidant	Joseph Aoun
Kentañ Ministr	Nawaf Salam
Gorread - Hollad - % dour	160vet renk 10.452 km² 1,6%
Poblañs - Hollad (est. 2005) - Stankter	123vet renk 3.826.018 358/km²
Dishualded	22 a viz Du 1943
Moneiz	Lur Liban (LBP)
Eur	UTC +2
Kan broadel	Koullouna Lilouataan Lil Oula Lil Alam
Berradur Internet	.lb
Kod pellgomz	961

Liban (arabeg: لبنان‎, Lubnān), ent-ofisiel Republik Liban, a zo ur riez vihan ha meneziek eus ar Reter-nesañ, war aod reter ar Mor Kreizdouar. Dindan ur gorread a 10 400 km² emañ-hi gant 3 milion a annezidi pe war-dro. En-dro da Liban emañ Siria en norzh hag er reter, Israel er su, hag ar mor a-hend-all eus tu ar c'hornaoueg. Ezel eus ABU hag ar C'hevre arab eo. Beirout eo kêr-benn ha kêr vrasañ ar vro.

Ar yezh ofisiel eo an arabeg, met ar galleg zo un eil yezh implijet el live ofisiel, dreist-holl en deskadurezh. Ar moneiz ofisiel eo al lur libanat. Liban a zo ur vro rannet don a-fet relijion: diazezet eo ar reizhiad politikel war un dasparzh eus ar galloud kenfeurel da bouez demografek pep relijion (sunnit, maronit, druz, alawit...).

Istor

Ar Stad libanat evel m'emañ hiziv a zo savet e 1920 dindan an anv « Liban vras » gant Bro-C'hall da-heul Feur-emglev Sèvres hag an emglev Sykes-Picot. Bro-C'hall a oa bet neuze, da-heul dismantr an Impalaeriezh otoman, leuriet gant Kevredigezh ar Broadoù evit melestriñ hag aozañ tiriadoù ez-otoman zo.

Dont a ra ar vro da vezañ dizalc'h e 1943, da-heul gwanaat Bro-C'hall er Reter-Nesañ e-kerzh an Eil Brezel-bed. Etre 1975 ha 1990, ur brezel diabarzh gwadek a eneb ar gristenien ouzh ar repuidi palestinat hag ouzh relijionoù all, dreist-holl ar chiited en em vod dindan Hezbollah Hassan Nasrallah. Siria, Israel ha broioù ar c'hornôg a emell e-pad ar brezel diabarzh-se a wel lazhadegoù e-leizh. Israel ha Siria n'en em denno eus Liban nemet e-kreiz ar bloavezhioù 2000.

Abaoe fin ar brezel diabarzh eo bet adsavet Liban hag ur prantad berzh berr en deus bet a-raok kouezhañ en distabilded gant muntr Rafik Hariri, urzhiet gant Bachar al-Assad moarvat.

E 2026 e chom stanket Liban en un hent-dall politikel gwashaet gant he rannadurioù relijiel ha etnek, ar brezel etre Israel hag an ahel ar Rezistañs (hag a wanaas kalz an Hezbollah), ha kudennoù armerzhel bras. Koulskoude, ar gêr-benn, Beirout, he deus atav ar vrud da vezañ "Pariz ar Reter-Kreiz".

Porzh Beirout gwelet eus an oabl.

Stadoù Azia

Stadoù Azia

Afghanistan • Arabia Saoudat • Armenia² • Azerbaidjan¹ • Bahrein • Bangladesh • Bhoutan • Brunei • Egipt³ • Emirelezhioù Arab Unanet • Filipinez • India • Indonezia⁵ • Iran • Iraq • Israel • Japan • Jordania • Jorjia¹ • Kambodja • Kazac'hstan¹ • Kiprenez² • Kirgizstan • Korea an Norzh • Korea ar Su • Koweit • Laos • Liban • Malaysia • Maldivez • Mongolia • Myanmar • Nepal • Oman • Ouzbekistan • Pakistan • Qatar • Rusia¹ • Republik Pobl Sina • Republik Sina (Taiwan) • Singapour • Siria • Sri Lanka • Tadjikistan • Thailand • Timor ar Reter⁴ • Turkia¹ • Turkmenistan • Viêt Nam • Yemen

Stadoù ha n'int ket anavezet : Nagorno-Karabac'h²

Tiriadoù gant ur statud dibar : Hong Kong • Makao • Palestina

1. En Europa evit un darn. 2. En Azia e-keñver douaroniezh met a vez sellet outi evel un tamm eus Europa evit abegoù istorel ha sevenadurel.
3. En Afrika evit ar braz. 4. Lakaet a-wechoù en Okeania. 5. En Okeania evit un darn.