Jeffrey Epstein

Jeffrey Epstein
	; (2013) Irudi gehiago
lehendakari
trustee (en)
trustee (en)
Bizitza
Jaiotza	Brooklyn, 1953ko urtarrilaren 20a
Herrialdea	Ameriketako Estatu Batuak
Bizilekua	Little Saint James; Palm Beach; Herbert N. Straus etxea; San Rafael arrantxoa; Sea Gate (en)
Heriotza	Metropolitan Correctional Center, New York City, 2019ko abuztuaren 10a (66 urte)
Hobiratze lekua	Palm Beach Gardens
Heriotza modua	giza hilketa; suizidioa: urkatzea; itotzea
Familia
Aita	Seymour G. Epstein
Ama	Pauline Epstein
Bikotekidea(k)	ikusi Ghislaine Maxwell; Stacey Williams; Eva Andersson-Dubin; Karyna Shuliak;
Haurrideak	ikusi Mark Epstein;
Hezkuntza
Heziketa	Cooper Union ; (1969 - 1971) ; Zientzia Matematikoen Courant Institutua ; (1971ko iraila - 1974ko ekaina) ; Lafayette High School ; (ezezaguna - 1969)
Hizkuntzak	ingelesa
Irakaslea(k)	James Cayne; Alan C. Greenberg
Jarduerak
Jarduerak	irakaslea, inbertsio bankaria eta gizaki-trafikatzailea
	Parte-hartzailea Jeffrey Epstein sex trafficking scandal (en) ;
Lantokia(k)	Villard Houses
Enplegatzailea(k)	Jeffrey Epstein VI Fundazioa ; Wexner Foundation ; Dalton School (en) (1974ko iraila - 1976ko ekaina); Bear Stearns (1976 - 1981); Towers Financial Corporation (1987 - 1989)
Lan nabarmenak	ikusi Financial Trust Company;
Kidetza	Batzorde Trilaterala; Council on Foreign Relations; Institute of International Education, Inc
Izengoitia(k)	Marius Robert Fortelni
Musika instrumentua	pianoa
Ideologia eta sinesmenak
Erlijioa	judaismoa

Jeffrey Edward Epstein (New York, Ameriketako Estatu Batuak, 1953ko urtarrilaren 20a - 2019ko abuztuaren 10a) finantzari aberats bat izan zen. Ospetsua da ustez sexu-delitu sare baten sortzailea eta antolatzailea izateagatik.

Bizitza

Epsteinek irakasle gisa hasi zuen bere bizitza profesionala, baina Wall Streeteko banku eta finantza sektorera aldatu zen, eta finantza espekulazioan dirutza handia egin zuen.

Epsteinek eliteko zirkulu soziala garatu zuen New York hirian, eta aldi berean bizitza estilo deigarria garatu zuen, beti neska gaztez inguratua, zeinen artean (alegia, Epstein eta emakume horien artean) sexu zerbitzuak, behartuak edo/eta ordainduak, ohikoak ziren. Multzo horretan adingabekoak ere bazirela azaleratu dute salaketa eta ikerketek.

Epaiketa eta kondena

2005ean Palm Beacheko (Florida) poliziak Epstein ikertzen hasi zen, guraso batek salatu zuelako 14 urteko alabari sexu abusua egin ziola. Ikerketa federalak gutxienez 36 kasu aurkitu zituen sexu abusuenak, zenbait adin gutxikoekin (gazteena 14 urteko neska bat)^[1]. Epstein errudun agertu zen eta Floridako estatuko auzitegian kondenatu egin zuten adingabeko neska bat prostituitzeagatik.

Akusazioa larria izan arren, 13 hilabeteko kondena jaso zuen bakarrik, 2008an, fiskaltzarekin akordioa erdietsi ostean. Akordioaren baldintzetan egon zen espetxealdi murriztua eta baldintza arinetan (kanpora irteteko aukerekin) eta akordioa beraren terminoak ezkutatzea biktima eta salatzaileengandik. Hori guztia onartu zuen fiskala izan zenak, Alexander Acostak, 2019an Trump gobernuko lan idazkaria zen, eta dimisioa eman zuen Floridako egunkari batek kasua kaleratu ostean^[2]. Susmo handia zegoen ea ez ote zioten dirua eta botere konexioak erraztu Epsteini akordioa erdiestea Acostarekin.

Konexioak mundu akademikoarekin

Kondena eta espetxealdi arinaren ostean, ezaguna zen Epsteinen curriculuma, baina hala ere, diru eta gizarte-konexioak lantzen jarraitu zuen: diru opari handien bidez, MIT, Harvard eta beste erakunde batzuetan zientzialari eta enpresa-gizon inportanteekin loturak eraiki zituen, zeinetan errespetagarritasuna berreskuratu zuen. 2019an zehar, konexio horien detaileak jakitean, eskandalua piztu da MIT eta beste erakundeetan^[3].

Bigarren atxiloketa eta suizidioa

Epstein berriro atxilotu zuten 2019ko uztailaren 6an, Florida eta New Yorken adingabeen sexu trafikoa egotzita. Fiskaltzaren tesia zen Epsteinek 2002-2005-en, bere Manhattango etxean, gizon aberats helduei adingabeko neskatoei bisitak antolatu zizkiela, eta horietatik gazteenak 14 urte zituela. Ikerketaren arabera, jazarpena eta sexu abusuak jasan zituzten adingabe batzuek.

Espetxean zela, suizidatzen saiatu zela jakinarazi zen, baina hala ere, nolabait ez zioten zaintza neurri egokirik ezarri eta bere ziegan bere burua hil zuen 2019ko abuztuaren 20an. Forentseek baieztatu zuten suizidioa izan zela^[4].

Haren heriotzak delitu-kargak aurrera jarraitzeko gaitasuna kentzen duelako, epaileak kargu penal guztiak baztertu zituen 2019ko abuztuaren 29an. Hala ere, eskandaluak irekita jarraitu zuen, susmoak egonik bere abusu-zirkuluan beste gizonezko boteretsu batzuek parte hartu zutela, eta zirkulu boteretsu eta akademikoetan diruz lagundu zituen ekimenak lupa kritiko baten pean daude.

Erreferentziak

↑ ABC: Epstein AEBetako finantzakideak bere buruaz beste egin du kartzelan | BIZI HIZLARIA - 2018. (kontsulta data: 2019-09-16).^{[Betiko hautsitako esteka]}
↑ (Ingelesez) Brown, Julie K.. (2018-11-29). «How a future Trump Cabinet member gave a serial sex abuser the deal of a lifetime» Miami Herald (kontsulta data: 2019-09-16).
↑ (Ingelesez) McNulty, Matthew. (2019-09-12). «MIT, Harvard both snared in Jeffrey Epstein scandal» FOXBusiness (kontsulta data: 2019-09-16).
↑ «Jeffrey Epsteinek bere buruaz beste egin ote zuen ez da argitu oraindik» www.eitb.eus (kontsulta data: 2019-09-16).

Kanpo-loturak

Miami Herald berezia Epstein kasuaz

Datuak: Q2904131
Multimedia: Jeffrey Epstein / Q2904131

[1] ABC: Epstein AEBetako finantzakideak bere buruaz beste egin du kartzelan | BIZI HIZLARIA - 2018. (kontsulta data: 2019-09-16).^{[Betiko hautsitako esteka]}

[2] (Ingelesez) Brown, Julie K.. (2018-11-29). «How a future Trump Cabinet member gave a serial sex abuser the deal of a lifetime» Miami Herald (kontsulta data: 2019-09-16).

[3] (Ingelesez) McNulty, Matthew. (2019-09-12). «MIT, Harvard both snared in Jeffrey Epstein scandal» FOXBusiness (kontsulta data: 2019-09-16).

[4] «Jeffrey Epsteinek bere buruaz beste egin ote zuen ez da argitu oraindik» www.eitb.eus (kontsulta data: 2019-09-16).

[1]

[2]

[3]

[4]