An Hyang
  | |
| Nome póstumo | 文成 |
|---|---|
| Biografía | |
| Nacemento | 1243 (Gregoriano) Corea |
| Morte | 1306 (Gregoriano) (62/63 anos) |
| Relixión | Confucianismo |
| Actividade | |
| Ocupación | filósofo, escritor |
| Membro de | |
An Hyang (en hangeul: 안향; en hanja: 安珦), tamén coñecido como An Yu (en hangeul: 안유; en hanja: 安裕), nado en Yeongju (na actual Corea do Sur) en 1243 e finado o 12 de setembro de 1306, foi un influente erudito confuciano do clan Sunheung An, considerado o fundador do neoconfucianismo en Corea.
Traxectoria
[editar | editar a fonte]An Hyang naceu en Yeongju, no reino de Goryeo, en 1243. Dende pequeno, gozou lendo e escribindo, investigando e aprendendo. Aos 18 anos, aprobou os exames de acceso ao funcionariado, polo que foi nomeado censor. A continuación, foi trasladado á Academia Hanlin. O Goryeo daquel tempo fora invadido pola dinastía Yuan, de orixe mongol; tras a supresión da rebelión Sambyeolcho, o goberno decidiu trasladar a súa capital a Ganghwa.
Está considerado o introdutor do neoconfucianismo en Goryeo. An Hyang viaxou á China, onde transcribiu as obras de Zhu Xi, levando as súas copias e retratos de Confucio e Zhu Xi de volta a Corea. A súa intención era substituír o budismo coa súa versión do confucianismo.
