Francoïsme
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
.svg)
Francoïsme of franquisme is 'n ideologie die verboonde is mèt 't fascisme wat in Spaanje oontstoont tijes de Spaonse Börgeroorlog (1936-1939). De naom is aofgeleid vaan Francisco Franco, de nationalistische rebelleider tijens de Börgeroorlog en later de militaire dictator vaan 't land. 't Woord weurt meistal gebruuk um 't dictatoriaal rezjiem te besjrieve wat vaan 1939 tot 1975 Spaanje regeerde.
In zien beginfase waor 't francoïsme 'n oligarchisch, neet-verkoze regeringsmodel gebaseerd op de mach vaan 'n segmint vaan de landeigenere, financiëel en industriëel elites die ziech heelde aon de ideale vaan 't fascisme, mèt sterke wortele in 't Spaons-katholiek traditionalisme, en 'n zeker nostalgie veur de verleje glorie vaan 't groete en glorieuze verleie vaan 't Spaons Riek, " boe-in de zon noets oonder ging.”
't Francoïsme streef nao eine staot, ei volk, eine godsdeens, ei taol, eine leier: Francisco Franco, caudillo de España por la Gracia de Dios (of: FF, de leider vaan Spaanje door de genaoje vaan God). 't Waor, op zeker meneer, 'n reactie op de chaotische umstandeghede vaan de anti-geisteleke Twiede Spaonse Republiek.
