nimi Olo

nimi Olo (sitelen Alapi la: الله Allah o kute^ⓘ [ɑɫˈɫɑːh]) li nimi pi toki Alapi, li toki e mama sewi pi wan taso lon nasin sewi pi jan Alawan. toki Alapi ala la, ona li toki e sewi Olo pi nasin sewi Isilami lon tenpo mute. taso, jan pi nasin sewi Kito anu jan pi nasin sewi Jawatu li tan ma Alapi la, ona li kepeken nimi ni tawa mama sewi ona. nimi Olo li tan nimi ni: nimi Ila (sitelen Alapi la: ٱلْإِلَٰه [al.ʔiˈlaːh]) li kama lili. nimi ni li sama nimi sama pi kulupu toki Semi, sama nimi Alawa (ܐܲܠܵܗܵܐ ʼAlāhā) lon toki Alamawi^(?), sama nimi Elowa (אֱלוֹהַּ ʾĔlōah) lon toki Iwisi.