Rube

Rube
Roubaix
	Lidnanznam;
Valdkund	Francii
Eläjiden lugu (2023)	98,286 ristitud
Pind	13,23 km²
Pämez'	Gijom Del'bar; (radab vspäi 2014,; mandat 2020−2026,; Guillaume Delbar)
Telefonkod	+33-(0)327
Aigvö	tal'vel UTC+1,; kezal UTC+2

Rube (franc.: Roubaix [ʁubɛ] vai [ʁube], alam.: Robaais) om lidn da kommun Francijan pohjoižes, O-de-Frans-regionas, Nor-departamentas. Se om departamentan kahtenz' surtte lidn, mülüb Lillin aglomeracijha (1,1 mln eläjid).

Istorii

Eländpunkt om mainitadud ezmäižen kerdan 9. voz'sadal Turne-lidnan arhijerejiden valduses. Šingotihe Flandrijan kezerdusen i kudondan keskuseks amussai, industrijan keskuseks 19. voz'sadaspäi — trikotažan i puvillasižen kanghan pästand. Ezmäižen mail'man sodan jäl'ghe kanghiden tehmižen industrii sai kilt mugoižen industrijan lähižiš keskusišpäi, i ristitišt poleni.

Rube šingotase valdkundaližil holitišil, torguindal da transportal päpaloin, kahesa radnikad ühesaspäi oma otnus niihe sarakoihe. Om tegimišton i sauvondan severz'-se edheotandoid.

Geografijan andmused

Lidnan keskuzpala sijadase üks'toštkümnes kilometras päivnouzmha Lillin keskusespäi, ani röunanno Bel'gijanke, 17..52 m ü.m.t. korktusil.

Klimat om ven valdmeren. Voden keskmäine lämuz om +11,2 C°. Ekstremumad oma −14,5 C° (viluku) i +42,1 C° (heinku). Paneb sadegid 833 mm vodes, läz tazomäras kuidme.

Eläjad

Vspäi 1982 lidnan ristitišt jäb läz vajehtusita (95..101 tuh. eläjid). Vl 2014 Rube-lidnan eläjiden lugu oli 95,600 ristitud^[2]. Kaikiš suremb lidnan ristitišt oli 124,661 eläjad vl 1896.