Kurdîtiya tenê bi siyasetê, qels e

Xwenasî heke bi destê  bawerî, çand, edebiyat, dîrok û sosyolojiyê çêbe qewîn dibe û ku carekê mirov xwe nas kir êdî hew mirov xwe ji bîr dike, lê tenê xwenasiyeke siyasî li gor konjektura ew rojê ye û heke gula siyaseta wê rojê çilmîsî xwenasîya mirov jî pê re diçilmise, belkî jî pûç be.

Kurdek ku ji nav bêndera xwe nan xwaribe, destê xwe wek kurdek ji yezdanê dilovan re vekiribe, çarîneyek Melayê Cizîrî xwendibe, lehengiya pakrewanê bav û kalan nas kiribe, rengîniya welatê xwe dîtibe gelo dikare xwe ji Kurdîtiya xwe bişo an serê xwe jê xelas ke? Nexêr mîna êşeke bê derman êdî ew dikeve kemîna xwenasiyê , bi çar hefsaran mehkumê xwe ye. Lê çîroka Kurdekî tenê siyasî be, bi ya min ne wisa ye. Xwenasiya wî lawaz e, bê  xîm e, jar e, demdemî ye  roja ku siyaseta wê rojê çep zivirî ew jî çep e, rast be ew jî rast e. An jî roja ku şertên siyasetê nema xwenasî jî Kurdîtî jî xelas, rehma xwedê lê…

Gelek Kurd  piştî darbeya Kenan Paşa ji ber zilm û zordestiya cuntaya eskerî reviyan welatên xerîb bêhtir dewletên Ewrûpa, hindek ketine rehetiya termê xwe û mala xwe û dev ji Kurdîtiya xwe berdan, lê hindek şivan bûn bûne hunermend, hindek feqî bûn bûne seydayê feqiyan, bûne zana û rûsipiyên Kurdan li xeribiyê.

Wan tu carî Kurdîtî bernedan û li ser şopa xwenasiyê emrê xwe feda kirin, ji ber ku wan Kurdîtî ango xwenasî ne tenê bi siyasetê bi tarîx û sosyolojî û medresê û erdnîgarî û dengbêj û folklor û bi her awayî nas kiribûn, ev çirûsk carek ketibû nav zeviyê gihahişkê dilê wana de ka dikarîna wê agirê Kurdîtiyê dilê xwe vemirînin. Ka Bêjin Seydayê Zeynelabîdîn Zinar te ewqas ji riyê Kurdîtîya xwe eziyet û cefa dît û tu hatî Ewrupa nav rehetî û aramiyê ka çi îşê te heye bi Siyabend û Xecê û Kadîna Mişkan û çirok û Kurd û Kurdistanê û bêje ha bêje…

Heypeyvîna min bi Kurdekî bi her awayî xwenaskirî bi seydayê Zeynel Abidîn Zinar re ye.

Seyda ji kerema xwe hindek ji biyografiya xwe ji me re vebêje.

Pêşî ez spas dikim ji cenabê te re û serkeftinê ji malpera we ya Zamankurdi re dixwazim.

Çendî ku navê min ê rast Zeynelabidin Zinar e, lê paşnavê min di nifûsa tirkî de KAYA ye. Ez ji Bakûrê Kurdistanê me, di 1953an de li gundê Hedhedka girêdayê bi navçeya Qubînê ve hatime dinyayê. Ji ber ku bavê min meletî dikir, li gelek herêmên cuda geriyame. Min yazdeh salan medreseya kurdî xwendiye, piştre sê sal û nîv Imam-Xetîb û piştre min lîse xwendiye. Piştî kurtedemeke leşkeriyê, min yazdeh sal  li şaredariya Êlihê wek karmend kar jî kiriye.

Ji 12yê Êlûna 1980yî ve ku cunta leşkerî hatiye, hetanî sibata 1984an, ez heşt caran hatime girtin û gelek îşkence li min hatine kirin. Roja Yekê Adara 1984an, dadgeha leşkerî pênc sal sezayê girtîgehê û 20 meh jî sirgûn daye min. Ew îşkenceyên ku li min hatine kirin, min bi pirtûka xwe ya 240 rûpelî bi navê “Işkence de 178 Gun”  nivîsiye. Di dawiya 1984an de jî reviyame û çûme Swêdê. Piştî ku li Swêdê bi cih bûme, di sibata 1985an de li nexweşxana Xaça Sor beşa îşkencedîtan a Stockholmê, hetanî 1995an ez tedawî bûme.

Bi kurtasî tu dikarî ji me re bêjî ku Pencînarî kîne?

Pencînar eşîreke Kurd a koçer bûye ku navenda wê navçeya Misircê ye, Çiyayê Gurdilan û Deşta Xerzan e. Eşîr ji heft bavikan pêk hatiye. Lê ji derva ve Kurd dibêjin ku Heft Eşîrên Pencînarî hene. Gelek gundên şên di destên eşîrê de ne. Jimareke mezin peyayên wê he ne.

Piştî ku hûn çûne Ewrûpa çi di jiyana we de guherî?

Gelek tişt di jiyana min de hatine guhertin.  Xasma jî xebata min li ser Ziman û Çanda Kurdî pir berepêş çûye…

Diyar e ku destpêka nivîsandina min a bi Zimanê Kurdî, çendî ku di salên 1963-64an de pêşî bi tîpên erebî çêbûye, lê di 1985an de li Swêdê bi awayekî rêkûpêk hatiye domandin.

Piştî ku ez li Swêdê bi cih bûme, digel ku ez 9 sal û nîvê li Nexweşxaneyên Xaça Sor tedawî bûme jî, lê min di sala 1985an de  weşanxaneyek  bi navê “Pencînar Weşanxaneya Çanda Kurdî” (www.pencinar.se) ava kiriye û piştre jî çapxaneyek ava kiriye. Min lêkolîn li ser klasîkên Kurdî, Folklora Kurdî û Medreseya Kurdî kiriye. Heta niha 123 pirtûk bi îmzeya min hatine weşandin.  Lîsteya pirtûkên min li dawiya nivîsê ye.

Herî zêde li ser çi vekolîn û nivîs kêf didin we û çima?

Sal 1981, rojekê ez li daîreya ku lê karmend bûm, dema min bi yekî re bi kurdî xeberdida, qeymeqamê Batmanê Hayrullah Yildiz kete hundir û gote min EŞŞEKÇE KONUŞMA ango bi zimanê keran nepeyive.  Ew gotin çu car ji bîra min neçûye û naçe jî.

Çewa ku min li jorê jî gotiye, dema ez  xebat li ser Klasîn Kurdî, Folklora Kurdî û Medreseya Kurdî dikim, kêfeke pir zêde ji min re çêdibe, ez bextewer dibim, rihekî nû tê min. Hin caran jî wergerê dikim û di van sê-çar salên dawîn de zêdetir ez semîner û konferans li Tirkiye û Başûrê Kurdistanê didim, xasma jî li zanîngehên ku beşên kurdî lê vebûne digerim û ji xwendekaran re li ser Zimanê Kurdî dipeyivim, ez bi vê xebatê her ku diçe ciwan dibim.

Di berhemê xwe de ji bo têgihiştina hemû Kurdên çar perçeyan, hewldana we ji bo zimanekî hevpar çi ye?

Berhemên ku min nivîsîne û amade kirine, bi piranî Klasîn Kurdî, Folklora Kurdî, rewşa Medreseyên Kurdî û lêkolînên babetcihê ne. Min ew berhem tev bi alfabeya Latênî nivîsîne.

Lewra miletek heta ku alfabeya xwe neke yek, pir zemet e ku behsa yekparetiya netewetiya xwe bike. Ji bo her çar beşên Kurdistana dabeşkirî, di radeya pêşîn de yekbûna alfabeyê pir girîng e û piştre berhemên klasîk û yên foklorî girîngtir in. Ji ber ku her tiştê Kurdan ên netewî, li ser van berheman hatine avakirin.

Bi raya we nivîskar û hunermendên Kurd azad in, ango zext û zoriya li ser rewşenbîrên Kurd çi ne?

Bêguman rewşenbîrên Kurd pir dereng dest bi nivîsandina Zimanê Kurdî kirine. Eger em malbata Bedirxaniyan jê derxin, di salên 1960, 70 û hetanî dawiya salên 80yî jî, piraniya kesên ku niha wek nivîskar têne nasîn, siyaset dikirin û çepgiriyeke pir hişk jî dikirin. Ev hawe xisareke mezin jî da Çanda Kurdî. Lê geşbûna xebata li ser Zimanê Kurdî di serê sala 1980yî de ku gelek ciwanên Kurd çûn Ewrûpayê dest bi geşbûnê bûye. Eger ne wisan bûya, dibe ku niha jî Zimanê Kurdî di warê nivîsê de di pileyeke pir nizm de mabû.

Îcar niha jî tê dîtin ku gelek nivîskar û hunermendên Kurd hene ku hêjî xwe ji binê bandora siyasetê rizgar nekirine. Eger çend nivîskar û hunermendên Kurd wek azad hebin jî, wek mesela ku dibêjin: “Bihar bi gulekê nayê.” Çêbûye. Jixwe hin kesên wek nivîskar têne nasîn hene, ew wek propegandîstên hin rêxistinan kar dikin. Şaşiya rêxistinê kurdî jî pir e ku ew rûmet nadin nivîskar û hunermendên Kurd. Ev yek jî tîneke xirab li rewşenbîriya kurdî dike.

Bi ya we wêjenasên Kurd dikarin bê sîyasetê hunerê bikin, an jî hûn çi qas dikarin di berhemên xwe de destê xwe ji siyasetê bişon?

Rewşenbîrên Kurd pir bi hêsanî dikarin bê siyaset û dûrê ji rêxistinên siyasî hunera xwe di Çanda Kurdî de xurt bikin. Mînaka vê yekê jî, ez im û ji roja min dest bi xebata li ser Ziman û Çanda Kurdî kiriye heta îro, min dûrê ji bêsiyasetan kiriye û çu siyasetekê jî alîkarî nedaye min. Çendî ku çend pirtûkên min ji aliyê hin komeleyên çandî yên nêzê siyasetan ve hatine weşandin jî, zêdetir sûda wan a aborî tê de hebûye û kirine.

Lê rewşenbîrên Kurd nikarin destê xwe ji siyaset û siyasetmendan bişon. Ji ber ku rewşenbîr di radeya yekemîn de xwediyê Neteweyê Kurd û Kurdistanê ye, siyaset û siyasetvan jî beşek ji Neteweyê Kurd in.

Di derbareyê nifşên nû yên kurdan de hûn bi hêvî ne ji bo xwenasiyê an na?

Erê ez bi hêvî me û umîdeke min a xurt jî bi nivşên pêşerojê heye.

Ez pir digerim, li Tirkiye û Başûrê Kurdistanê, li nava ciwanan digerim û bi riya Facebookê têkiliyeke xurt bi wan re datînim. Gelek pirsên ku ciwan ji min re dişînin, di wan re tîrêjên dinyaya pêşerojê pir zelal têne dîtin û ew hêjayê spaskirinê ne…

Şîret û tembiyên we wek  rewşenbîrek mîna te çi ne ji nifşên nû re?

Rica min ji hemî ciwanên Kurd ev e ku ew zêdetir li ser ziman û çanda Kurdî kar bikin. Lewra ziman ne mîna tiştekî din; çi tiştê meriv gava wenda bibe, meriv dikare ewêziya wî bide kirin û bi şûnde werîne. Lê dema ziman wenda bibe, êdî zehmet e ku ewêzî bête vegerandin.

Çewa ku rihê meriv bi tevgera xwînê li zindîbûnê didome, ziman jî rihê netewî ye û eger bête bikaranîn ew netewe li zindîbûnê berdewam e, lê eger dema meriv bi zimên xeber nede, ziman mirî ye.

Hin kes dibêjin ku “Ziman rûmeta me ye” ev wek term ne rast e, ji ber ku pir kes hene rûmeta xwe dixin binê nigan, lê di rastiyê de ziman rihê netewî ye, dema ziman çû, neteweyê xwe jî bi xwe re dibe goristanê.

Sê kesên ku li ser jiyana te bandora wan pir çêbûye kî ne?

Helbet min jî pir hes ji nemir Ehmedê Xanî, Feqiyê Teyran û Melayê Cizîrî kiriye. Lê ne wek kes, ez deyndarê Medreseya Kurdî me, herweha bav û kalên min heta salên 1250-1300î ku tev meletî kirine û xwedanê medreseyan bûne, ez jî di 6-7 saliya xwe de bi xwendina kurdî rûqal bûme.

Lê belê çewa ku min li pêş jî gotiye, dema qeymeqamê Batmanê gote min “eşşekçe konuşma” û li îşkencexaneyên Cuntaya Faşîst jî bi sedê caran ku dijûn bi Kurd û Zimanê Kurdî dikirin, hingê min soz da Xwedayê xwe û min sond xwar ku ez tenê jî ji Kurdan sax bimînim, ez ê nehêlim ku Çanda Kurdî wenda bibe. Lê alîkarî û dilovaniya dewleta Swêdê jî bo min bûye desteka herî mezin.

LÎSTEYA PIRTÛKÊN ZEYNELABIDIN ZINAR

1- Xwençe 1, Zeynelabidin Zinar, kurdî/folklor, Pencînar Weşanxaneya Çanda Kurdî, Sverige/Stockholm, 1989, 278 rûpel, ISBN 91-861463-0-5

2- Xwençe 2, Zeynelabidin Zinar, kurdî/folklor, Pencînar Weşanxaneya Çanda Kurdî, Sverige/Stockholm, 1990, 288 rûpel, ISBN 91-861463-5-1

3- Xwençe 3, Zeynelabidin Zinar, kurdî/folklor, Pencînar Weşanxaneya Çanda Kurdî, Sverige/Stock holm, 1991, 297 rûpel, ISBN 91-861463-9-4

4- Xwençe 4, Zeynelabidin Zinar, kurdî/folklor,  Pencînar Weşanxaneya Çanda Kurdî, Sverige/Stockholm, 1990, 262 rûpel, ISBN 91-630076-4-9

5- Xwençe 5, Zeynelabidin Zinar, kurdî/folklor, Pencînar Weşanxaneya Çanda Kurdî, Sverige/Stockholm, 1991, 293 rûpel, ISBN 91-630076-2-2

6- Xwençe 6, Zeynelabidin Zinar, kurdî/folklor, Pencînar Weşanxaneya Çanda Kurdî, Sverige/Stockholm, 1993, 266 rûpel, ISBN 91-630168-9-3

7- Xwençe 7, Zeynelabidin Zinar, kurdî/folklor, Pencînar Weşanxaneya Çanda Kurdî, Sverige/Stockholm, 1994, 280 rûpel, ISBN 91-972090-1-5

8- Xwençe 8, Zeynelabidin Zinar, kurdî/folklor, Pencînar Weşanxaneya Çanda Kurdî, Sûriye/şam, 1995, 288 rûpel, ISBN 91-972090-7-4. Çapa duyemîn: Stockholm.

9- Xwençe 9, Zeynelabidin Zinar, kurdî/folklor, Pencînar Weşanxaneya Çanda Kurdî, Sverige/Stockholm, 1996, 290 rûpel, ISBN 91-972779-0-8

10- Xwençe 10, Zeynelabidin Zinar, kurdî/folklor, Pencînar Weşanxaneya Çanda Kurdî, Sverige/Stockholm, 1997, 268 rûpel, ISBN 91-972779-3-2

11- Nimûne Ji Gencîneya Çanda Qedexekirî, Zeynelabidin Zinar, Kurdî, Antologi, Sverige/Stockholm, 1991, 377 rûpel,  ISBN 91-830062-2-7

12- Di Işkencê de 178 Roj (178 Roj Di Işkencê De), Zeynelabidin Zinar, bi zimanê tirkî, serpêhatiya îşkencê, Komkar/Tyskland, Köln, 1987, 240 rûpel, ISBN….

13- Siyabend û Xecê, Zeynelabidin Zinar, kurdî/folklor, Pencînar Weşanxaneya Çanda Kurdî, Sverige/Stockholm, 1992, 160 rûpel, ISBN 91-630122-2-7

14- Xwendina Medresê, Zeynelabidin Zinar, Kurdî,  Pencînar Weşanxaneya Çanda Kurdî, Sverige/Stockholm, 1993,100 rûpel, ISBN 91 972090-2-3

15- Kadîna Mişkan, Zeynelabidin Zinar, kurdî çîrvanok/folklor, Pencînar Weşanxaneya Çanda Kurdî, Sverige/Stockholm, 1993, 144 rûpel, ISBN 91-972090-0-7

16- Balafira Jînê, Zeynelabidin Zinar, kurdî folklor/çîrvanok,  Pencînar Weşanxaneya Çanda Kurdî, Sverige/Stockholm, 1993, 134 rûpel, ISBN 91-972090-3-1

17- Xweşber, Zeynelabidin Zinar, kurdî çîrok/ folklor, Pencînar Weşanxaneya Çanda Kurdî, Sverige/Stockholm, 1994, 86 rûpel, ISBN 91-972090-4-X

18- Mîrate, Zeynelabidin Zinar, kurdî,  leyztikên zarûkan,  Pencînar Weşanxaneya Çanda Kurdî, Sûriye/şam, 1994, 120 rûpel, ISBN 91972090-5-8

19- Çarmix, Zeynelabidin Zinar, kurdî, helbestên îşkencê,  Pencînar Weşanxaneya Çanda Kurdî, Sverige/Stockholm, 1996, 70 rûpel, ISBN 91-972779-1-6

20- Hemdîn û Şemdîn, Zeynelabidîn Zinar, kurdî/folklor – serpêhatî, Pencînar Weşanxaneya Çanda Kurdî, Sverige/Stockholm, 1998, 112 rûpel, ISBN 91 972779 75

21- Fermana 33 Rewşenbîran, Zeynelabidîn Zinar, lêkolîn, Pencînar Weşanxaneya Çanda Kurdî, Sverige/Stockholm, 7/2000, 176 rûpel, ISBN 91 89491 05 x

22- Bingeha Çîroka Kurdî, Zeynelabidîn Zinar, lêkolîn, Pencînar Weşanxaneya Çanda Kurdî, Sverige/Stockholm, 12/2000, 134 rûpel, ISBN 91 89491 12 2

23- Çivîka Bilûrvan, Zeynelabidîn Zinar, kurdî/ folklor-çîrok bo zarûkan digel wêne, Pencînar Weşanxaneya Çanda Kurdî, Sverige/Stockholm, 2001, 34 rûpel,  ISBN 91 89491 17 3

24- Bawermendî -I-, Zeynelabidîn Zinar, kurdî bingeha ola îslamê, Pencînar Weşanxaneya Çanda Kurdî, Sverige/Stockholm,11/2002, 26 rûpel, ISBN 91 89491467

25- Bawermendî -II-, Zeynelabidîn Zinar, kurdî bingeha ola îslamê, Pencînar Weşanxaneya Çanda Kurdî, Sverige/Stockholm, 1/2003, 43 rûpel, ISBN 91 8949147 5

26- Pîra Kût û Dîkê Derpîkurt, Zeynelabidîn Zinar, kurdî/folklor çîrok bo zarûkan, Pencînar Weşanxaneya Çanda Kurdî, Sverige/Stockholm, 2003, 40 rûpel A4,ISBN 91 89491 04 1

27- Hecî Rovî, Zeynelabidîn Zinar, kurdî/folklor çîrok bo zarûkan digel wêne, Pencînar Weşanxaneya Çanda Kurdî, Sverige/Stockholm, 2003, 40 rûpel A4,  ISBN 91 89491 09 2

28- Kurdistana Xwedê jî şewitî, Zeynelabidîn Zinar, meselokên rawilan, Pencînar Weşanxaneya Çanda Kurdî, Sverige/Stockholm, 3/2003, 120 rûpel, ISBN 91 89491 49 1

29- Nêçîra Çiyayê Reş, Zeynelabidîn Zinar, kurdî/folklor çîrok bo zarûkan digel wêne, Pencînar Weşanxaneya Çanda Kurdî, Sverige/Stockholm, 2003,62 rûpel,  ISBN 91 8949119X

30- Keywan Paşa û Keçelok, Zeynelabidîn Zinar, kurdî/folklor çîrok bo zarûkan digel wêne, Pencînar Weşanxaneya Çanda Kurdî, Sverige/Stockholm, 2003, 46 rûpel, ISBN 918949123 8

31- Beranê Sêr, Zeynelabidîn Zinar, kurdî/folklor çîrok bo zarûkan digel wêne, Pencînar Weşanxaneya Çanda Kurdî, Sverige/Stockholm, 2003, 40 rûpel,  ISBN 91 8949128 9

32- Abidê şikeftê, Zeynelabidîn Zinar, kurdî/folklor çîrok bo zarûkan digel wêne, Pencînar Weşanxaneya Çanda Kurdî, Sverige/Stockholm, 2003, 72 rûpel,  ISBN 91 89491 20 3

33- Zira Kerê û Lota Devê, Zeynelabidîn Zinar, kurdî/folklor çîrok bo zarûkan digel wêne, Pencînar Weşanxaneya Çanda Kurdî, Sverige/Stockholm, 2002, 35 rûpel, ISBN 918949116 5

34- Çîm Beg, Zeynelabidîn Zinar, kurdî/folklor çîrok bo zarûkan, Pencînar Weşanxaneya Çanda Kurdî, Sverige/Stockholm, 2003, 40 rûpel,  ISBN 91 89491 39 4

35- Qîza Paşayê Çîn û Maçînê û Hesenê Sênî, Zeynelabidîn Zinar, kurdî/folklor çîrok bo zarûkan, Pencînar Weşanxaneya Çanda Kurdî, Sverige/Stockholm, 2003, 40 rûpel,  ISBN 91 89491 41 6

36- Ji heftan çar şaxên çîroka Gûl û Sînem, Zeynelabidîn Zinar, kurdî/folklor çîrok ji bo her kesî, Pencînar Weşanxaneya Çanda Kurdî, Sverige/Stockholm, 2005, 196 rûpel,  ISBN 91 89491 42 4

37- Hevberdana Qijik û Kevokê, Zeynelabidîn Zinar, kurdî/folklor çîrok ji bo her kesî, Pencînar Weşanxaneya Çanda Kurdî, Sverige/Stockholm, 2005, 162 rûpel,  ISBN 91 89491 35 1

38- Kalê Merivxwir, Zeynelabidîn Zinar, kurdî/folklor, çîrok ji bo her kesî, Pencînar Weşanxaneya Çanda Kurdî, Sverige/Stockholm, 2005, 33 rûpel,  ISBN 91 89491 45 9

39- Kewê Çîrokbêj, Zeynelabidîn Zinar, kurdî/folklor, çîrok ji bo her kesî, Pencînar Weşanxaneya Çanda Kurdî, Sverige/Stockholm, 2005, 90 rűpel,  ISBN 91 89491 37 8.

40- Kerkerokê Bayê, Zeynelabidîn Zinar, kurdî/folklor, çîrok ji bo her kesî, Pencînar Weşanxaneya Çanda Kurdî, Sverige/Stockholm, 2005, 57 rûpel,  ISBN 91 89491 31 9.

41- Sînelmasî û Mîr Mihê, Zeynelabidîn Zinar, kurdî/folklor, çîrok ji bo her kesî, Pencînar Weşanxaneya Çanda Kurdî, Sverige/Stockholm, 2005, 55 rûpel,  ISBN 91 89491 40 8

42- Sêva Sêrê, Zeynelabidîn Zinar, kurdî/folklor, çîrok ji bo her kesî, Pencînar Weşanxaneya Çanda Kurdî, Sverige/Stockholm, 2005, 67 rûpel,  ISBN 91 89491 38 6

43- Gurê Selikê, Zeynelabidîn Zinar, kurdî/folklor, çîrok ji bo her kesî, Pencînar Weşanxaneya Çanda Kurdî, Sverige/Stockholm, 2005, 38 rûpel,  ISBN 91 89491 14 9

44- Mele Kulî, Zeynelabidîn Zinar, kurdî/folklor, çîrok ji bo her kesî, Pencînar Weşanxaneya Çanda Kurdî, Sverige/Stockholm, 2005, 49 rûpel,  ISBN 91 89491 52 1

45- Pêxemberê Derewîn, Zeynelabidîn Zinar, kurdî/20 meselokên folklorî, ji bo her kesî, Pencînar Weşanxaneya Çanda Kurdî, Sverige/Stockholm, 2006, 53 rûpel,ISBN 918949179 3

46- Mîrê Cîzîra Botan û Siltanê Stenbolê,  Zeynelabidîn Zinar, kurdî/serpêhatî, ji bo her kesî, Pencînar Weşanxaneya Çanda Kurdî, Sverige/Stockholm, 2006, 58 rûpel, ISBN 91 89491807

47- Xwişkebiratiya Teyr û Rovî, Zeynelabidîn Zinar, kurdî/folklor, çîrok ji bo her kesî, Pencînar Weşanxaneya Çanda Kurdî, Sverige/Stockholm, 2006, 38 rûpel, ISBN 91 89491777

48- Kurê Paşê û Mişkê Qut, Zeynelabidîn Zinar, kurdî/folklor, çîrok ji bo her kesî, Pencînar Weşanxaneya Çanda Kurdî, Sverige/Stockholm, 2006,59 rûpel,  ISBN 91 89491 72 6

49- Cihê û Çil Kose, Zeynelabidîn Zinar, kurdî/folklor, çîrok ji bo her kesî, Pencînar Weşanxaneya Çanda Kurdî, Sverige/Stockholm, 2006, 37 rûpel,  ISBN 91 89491 68 8

50- Bablîcan, Zeynelabidîn Zinar, kurdî/folklor, çîrok ji bo her kesî, Pencînar Weşanxaneya Çanda Kurdî, Sverige/Stockholm, 2006, 48 rûpel,  ISBN 91 89491 44 0

51- Miriyê Li Ser Bîrê, Zeynelabidîn Zinar, kurdî/folklor, çîrok ji bo her kesî, Pencînar Weşanxaneya Çanda Kurdî, Sverige/Stockholm, 2006, 31 rûpel,  ISBN 91 89491 67 X

52- Serpêhatiya Wezîr û Paşê, Zeynelabidîn Zinar, kurdî/folklor, çîrok ji bo her kesî, Pencînar Weşanxaneya Çanda Kurdî, Sverige/Stockholm, 2006, 31 rûpel,  ISBN 91 89491 64 5

53- Mado Paşa û Keça Dêwê, Zeynelabidîn Zinar, kurdî/folklor, çîrok ji bo her kesî, Pencînar Weşanxaneya Çanda Kurdî, Sverige/Stockholm, 2006, 63 rûpel,  ISBN 91 89491 30 0

54- Mîr Mihê û Gulîzar, Zeynelabidîn Zinar, kurdî/folklor, çîrok ji bo her kesî, Pencînar Weşanxaneya Çanda Kurdî, Sverige/Stockholm, 2006, 32 rûpel,  ISBN 91 89491 33 5

55- Zerdeşt Pêxember, Zeynelabidîn Zinar, kurdî/lêkolîn, Pencînar Weşanxaneya Çanda Kurdî, Sverige/Stockholm, 2007, 66 rûpel,  ISBN 91 89491 81 5

56- Di Çanda Kurdî de 37 Şaxên Zanistiyê, Zeynelabidîn Zinar, kurdî/lêkolîn,  Sverige/Stockholm,  2009,  220 rûpe, ISBN 91 89491 82 3.

57- Govenda Mirinê, Zeynelabidîn Zinar, kurdî/lêkolîn,  Sverige/Stockholm, 2010,  212 rûpe, ISBN 9189491 86 6.

58- Jînewariya Derwêşê Sado, Zeynelabidîn Zinar, kurdî/lêkolîn,  Sverige/Stockholm,  2010,  220 rûpe, ISBN

59- Tûtika Cinî, Zeynelabidin Zinar, kurdî çîrok/folklor, Pencînar Weşanxaneya Çanda Kurdî, Sverige/Stockholm, 2011, 30 rûpel, ISBN 91 89491 21 1.

60- Toz Paşayê Kurê Çeqçeq Paşa, Zeynelabidin Zinar, kurdî, çîrok/folklor, Pencînar Weşanxaneya Çanda Kurdî, Sverige/Stockholm, 2011, 28 rûpel, ISBN 91 89491 59 9.

61- Kund û Bilbil, Zeynelabidin Zinar, kurdî çîrok/folklor, Pencînar Weşanxaneya Çanda Kurdî, Sverige/Stockholm, 2011, 30 rûpel, ISBN 91 89491 21 1.

62- Heft Sal Şivantî, Zeynelabidin Zinar, kurdî çîrok/folklor, Pencînar Weşanxaneya Çanda Kurdî, Sverige/Stockholm, 2011, 30 rûpel, ISBN 91 89491 74 2

63- Çêleka Zer, Zeynelabidin Zinar, kurdî, çîrok/folklor, Pencînar Weşanxaneya Çanda Kurdî, Sverige/Stockholm, 2011, 35 rûpel, ISBN 91 89491 73 4

64- Sêva Paşê, Zeynelabidin Zinar, kurdî, çîrok/folklor, Pencînar Weşanxaneya Çanda Kurdî, Sverige/Stockholm, 2011, 30 rûpel, ISBN 91 89491 62 9.

65- Xeyda Pisîkê, Zeynelabidin Zinar, kurdî çîrok/folklor, Pencînar Weşanxaneya Çanda Kurdî, Sverige/Stockholm, 2011, 30 rûpel, ISBN 91 8949114 9.

66- Dêwê Heftreng, Zeynelabidin Zinar, kurdî, çîrok/folklor, Pencînar Weşanxaneya Çanda Kurdî, Sverige/Stockholm, 2011, 44 rûpel, ISBN 91 89491 32 7

67- Mamê Mamcel, Zeynelabidin Zinar, kurdî çîrok/folklor, Pencînar Weşanxaneya Çanda Kurdî, Sverige/Stockholm, 2011, 46 rûpel, ISBN 91 89491 58 0.

68- Keça Sêvê, Zeynelabidin Zinar, kurdî çîrok/folklor, Pencînar Weşanxaneya Çanda Kurdî, Sverige/Stockholm, 2011, 50 rûpel, ISBN 91 89491 61 0.

69- Daweta Hirç Û Rovî, Zeynelabidin Zinar, kurdî çîrok/folklor, Pencînar Weşanxaneya Çanda Kurdî, Sverige/Stockholm, 2011, 32 rûpel, ISBN 91 89491 71 8

70- Çepgera Aşê Dewletê, Zeynelabidin Zinar, kurdî, çîrok/folklor, Pencînar Weşanxaneya Çanda Kurdî, Sverige/Stockholm, 2011, 38 rûpel, ISBN 91 89491 78 5.

71- Gemiya Nokan, Zeynelabidin Zinar, kurdî, çîrok/folklor, Pencînar Weşanxaneya Çanda Kurdî, Sverige/Stockholm, 2011, 46 rûpel, ISBN 91 89491 43 2.

72- Daweta Kurê Paşê û Qîza Gavan, Zeynelabidin Zinar, kurdî çîrok/folklor, Pencînar Weşanxaneya Çanda Kurdî, Sverige/Stockholm, 2011, 40 rûpel, ISBN 91 89491 66 1

73- Rêncberiya Mîrzo û Keleş, Zeynelabidin Zinar, kurdî, çîrok/folklor, Pencînar Weşanxaneya Çanda Kurdî, Sverige/Stockholm, 2011, 36 rûpel, ISBN 91 89491 71 X.

74- Pîra Xwînxwur, Zeynelabidin Zinar, kurdî, çîrok/folklor, Pencînar Weşanxaneya Çanda Kurdî, Sverige/Stockholm, 2011, 26 rûpel, ISBN 91 89491 60 2.

75- Rasto û Xwaro, Zeynelabidin Zinar, kurdî çîrok/folklor, Pencînar Weşanxaneya Çanda Kurdî, Sverige/Stockholm, 2011, 32 rûpel, ISBN 91 89491 69 6

76- Simbêlşonik, Zeynelabidin Zinar, kurdî, çîrok/folklor, Pencînar Weşanxaneya Çanda Kurdî, Sverige/Stockholm, 2011, 42 rûpel, ISBN 91 89491 65 3.

77- Pîra Bênefs, Zeynelabidin Zinar, kurdî çîrok/folklor, Pencînar Weşanxaneya Çanda Kurdî, Sverige/Stockholm, 2011, 40 rûpel, ISBN 91 89491 75 0..

78- Gurê Nalbend, Zeynelabidin Zinar, kurdî çîrok/folklor, Pencînar Weşanxaneya Çanda Kurdî, Sverige/Stockholm, 2011, 26 rûpel, ISBN 91 89491 14 9.

79- Keçelok û Gurrî, Zeynelabidin Zinar, kurdî çîrok/folklor, Pencînar Weşanxaneya Çanda Kurdî, Sverige/Stockholm, 2011, 36 rûpel, ISBN 91 89491 64 5.

80- Mîrzoyê Kurê Paşê, Zeynelabidin Zinar, kurdî çîrok/folklor, Pencînar Weşanxaneya Çanda Kurdî, Sverige/Stockholm, 2011, 40 rûpel, ISBN 91 89491 76 9.

81- Arşîva Şêxên Axtepeyê, Zeynelabidin Zinar, kurdî, Pencînar Weşanxaneya Çanda Kurdî, Sverige/Stockholm, 2012, 260 rûpel,  ISBN  91 8949190 4

82- Jîneweriya Şêx Edhem Berzanî, Zeynelabidin Zinar, kurdî, Pencînar Weşanxaneya Çanda Kurdî, Sverige/Stockholm, 2013,  rûpel,  ISBN 91 89491 91 2

83- Serpêhatiya Mele Xelîl, Zeynelabidin Zinar, kurdî, Pencînar Weşanxaneya Çanda Kurdî, Sverige/Stockholm, 2013,  rûpel …… ,  ISBN 91 89491 83 1

84- Serpêhatiya Efrasiyabê Êlihê, Zeynelabidin Zinar, kurdî, Pencînar Weşanxaneya Çanda Kurdî, Sverige/Stockholm, 2013,  rûpel 300 ,  ISBN 91 89491 55 6

85- Karoka Evsûn, Zeynelabidin Zinar, kurdî, Pencînar Weşanxaneya Çanda Kurdî, Sverige/Stockholm, 2013,  rûpel 160 ,  ISBN 91 8949192 0

86- Serhildana Eşîra Jêlî 1929, Zeynelabidin Zinar, kurdî, Pencînar Weşanxaneya Çanda Kurdî, Sverige/Stockholm, 2014,  rûpel: 320, ISBN   91 89491 94  7

87- Gotinên Watedar, Zeynelabidin Zinar, kurdî, Pencînar Weşanxaneya Çanda Kurdî, Sverige/Stockholm, 2015,  rûpel 240,  ISBN 91 89491 97 1

88- Gotarxane – I, 303, Zeynelabidin Zinar, kurdî, Pencînar Weşanxaneya Çanda Kurdî, Sverige/Stockholm, 2015,  rûpel 580,  ISBN 978 91 87787 00 3

89- Gotarxane – II, 270, Zeynelabidin Zinar, kurdî, Pencînar Weşanxaneya Çanda Kurdî, Sverige/Stockholm, 2016,  rûpel 570, ISBN   978 91 87787 04 3

90/1- Dîwan, Melayê Cizîrî, Kurdî,  Roja Nû, Sverige/Stockholm, 1987, 560 rûpel, ISBN 91-767202-1-7. Tîpguhaztina ji alfabeya erebî: Zeynelabidin Zinar û Emîn N.

91/2- Nûbihar, Ehmedê Xanî, Kurdî,  Roja Nu, kurdî,  Sverige/Stockholm, 1986, 80 rûpel, ISBN 91-767201-7-9. Tîpguhaztina ji alfabeya erebî: Zeynelabidin Zinar.

92/3- Eqide, Ehmedê Xanî, Kurdî, Pencînar Weşanxaneya Çanda Kurdî, kurdî,  Sverige/Stockholm, 2001, 54 rûpel digel nivîsa bi tîpên erebî, ISBN 91 89491 13 0 Tîpguhaztina ji alfabeya erebî: Zeynelabidin Zinar.

93/4- Mewlûda Kurmancî, Melê Bateyî, kurdî,  Roja Nu, Sverige/Stockholm, 1987, 64 rûpel, ISBN 91-767201-8-7. Tîpguhaztina ji alfabeya erebî: Zeynelabidin Zinar.

94/5- Rêberê Sanî, Mele Ehmedê Qoxî, şerha Eqîdeya Ehmedê Xanî,  kurdî,  YDK, Elmanya/ Düsseldorf, 1990, 180 rûpel, ISBN …….. Tîpguhaztina ji alfabeya erebî: Zeynelabidin Zinar.

95/6- Sirmehşer, Feqe Reşîdê Hekarî, Kurdî,  YDK, Tyskland/Düsseldorf, 1990, 112 rûpel, ISBN……… Tîpguhaztina ji alfabeya erebî: Zeynelabidin Zinar.

96/7- Nehc-ul Enam, Mele Xelîlê Sêrtî, Kurdî,  Sverige/Stockholm, 1988, 54 rûpel, ISBN 91-870960-2-1. Tîpguhaztina ji alfabeya erebî: Zeynelabidin Zinar.

97/8- Dîwan, Pertew Begê Hekarî, Kurdî, Rewşen, Tyskland/Bonn 1, 1991, 271 rûpel,  ISBN ……. Tîpguhaztina ji alfabeya erebî: Zeynelabidin Zinar.

98/9- Rewdneîm, Şêx Evdirehmanê Axtepî, Kurdî,  Sverige/Stockholm, 1991, 440 rûpel, ISBN 91-830062-0-0. Tîpguhaztina ji alfabeya erebî: Zeynelabidin Zinar.

99/10- Dîwan, Şêx Evdirehmanê Axtepî, Kurdî,  Jîna Nu,  Sverige/Uppsala, 1988, 140 rûpel,  ISBN 91-970927-6-2. Tîpguhaztina ji alfabeya erebî: Zeynelabidin Zinar.

100/11- Leyl û Mecnûn, Şêx Mihemed Can, Kurdî,  Pencînar Weşanxaneya Çanda Kurdî,  Sverige/Stockholm, 1992,  352 rûpel, ISBN 91-630-1486-6. Tîpguhaztina ji alfabeya erebî: Zeynelabidin Zinar.

101/12- Mîrsad-ul Etfal,  Şêx Mihemed Kerbela, kurdî,  Jîna Nu, Sverige/Uppsala, 1989, 125 rûpel, ISBN 91-970927-5-4. Tîpguhaztina ji alfabeya erebî: Zeynelabidin Zinar.

102/13- Iqdê Durfam, Şêx Eskerî, Kurdî,  Apec- tryck, Sverige/Stockholm, 1989, 203 rûpel, ISBN 91-877301-6-2. Tîpguhaztina ji alfabeya erebî: Zeynelabidin Zinar.

103/14- Herdubat, Mele Zahidê Diyarbekrî, Kurdî,  Apec-tryck, Sverige/Stockholm, 1990, 74 rûpel, ISBN 91-877301-8-9. Tîpguhaztina ji alfabeya erebî: Zeynelabidin Zinar.

104/15- Serfa Kurmancî, Mele Elî Teremaxî, Kurdî,  Pencînar Weşanxaneya Çanda Kurdî, Sverige/Stockholm, 1997, 140 rûpel, ISBN 91-972779-4-0. Tîpguhaztina ji alfabeya erebî: Zeynelabidin Zinar.

105/16- Jiyana Mele Seîdê Kurdî, Ebdurehman Norsî, kurdî,  Pencînar Weşanxaneya Çanda Kurdî, Sverige/Stockholm, 1996, 140 rûpel, ISBN 91-972090-6-6. Wegera ji zimanê tirkî: Zeynelabidin Zinar.

106/17- Hostanîbêja Zarhaweyên Kurdî, Mele Nûrîyê Hesarî,  kurdî,  Pencînar Weşanxaneya Çanda Kurdî, Sverige/Stockholm, 1996, 245 rûpel, ISBN 91 972779 2 4. Amadekirina ji bo çapê û mîzanpaj: Zeynelabidin Zinar.

107/18- Çanda Warê Talankirî, Ebas Alkan, folklor, Pencînar Weşanxaneya Çanda Kurdî, Sverige/Stockholm, 1997, 140 rûpel, ISBN 91 972779 5 9. Amadekirina ji bo çapê û mîzanpaj: Zeynelabidin Zinar.

108/19- Hozanvanêt Kurd, Sadiq Behaedîn Amêdî, kurdî,  Pencînar Weşanxaneya Çanda Kurdî, Sverige/Stockholm, 1998, 465 rûpel, ISBN 91 973403 1 6. Tîpguhaztina ji alfabeya erebî: Zeynelabidin Zinar.

109/20-Sêkêşan, Mele Evdilhadiyê Comanî, kurdî, Pencînar Weşanxaneya Çanda Kurdî, Sverige/Stockholm, 1998, 200 rûpel, ISBN 91 973403 0 8. Tîpguhaztina ji alfabeya erebî: Zeynelabidin Zinar.

110/21- Rênasî,  Şêx Xiyasedîn Emre, kurdî, olî û bawermendî, Pencînar Weşanxaneya Çanda Kurdî, Sverige/Stockholm, 1999, 165 rûpel, ISBN 91 973403 5 9. Tîpguhaztina ji alfabeya erebî, amadekirina ji bo çapê û mîzanpaj: Zeynelabidin Zinar.

111/22- Mamikên Kurdî, M. Xalid Sadînî, kurdî, Mamik, Pencînar Weşanxaneya Çanda Kurdî, Sverige/Stockholm, 1999, 130 rûpel,  ISBN 91 973403 6 7. Amadekirina ji bo çapê û mîzanpaj: Zeynelabidin Zinar.

112/23- Rêgeha Perestiniyê, Nûrullah Kodişkî, kurdî, şerî‘et, Pencînar Weşanxaneya Çanda Kurdî, Sverige/Stockholm, 2000, 250 rûpel digel nivîsa bi tîpên erebî, ISBN 92 973403 9 1. Tîpguhaztin, amadekirina ji bo çapê û mîzanpaj: Zeynelabidin Zinar.

113/24- El Hemaîlu Fîş´şemaîlî, Şêx Fethullah Werqanisî, kurdî, helbest, Pencînar Weşanxaneya Çanda Kurdî, Sverige/Stockholm, 2000, 740 rûpel digel nivîsa bi tîpên erebî,  ISBN  91 89491 06 8. Tîpguhaztin, amadekirina ji bo çapê û mîzanpaj: Zeynelabidin Zinar

114/25- Rîsalet-ul Kufrî W´el Kebaîrî, Şêx Fethullah Werqanisî, kurdî, nesir û helbest, Pencînar Weşanxaneya Çanda Kurdî, Sverige/Stockholm, 2000, li dora 150 rûpel digel nivîsa bi tîpên erebî,  ISBN  91 89491 10 6. Tîpguhaztin, amadekirin û mîzanpaj: Zeynelabidin Zinar.

115/26- Eqîdeya Îmanê, Şêx Fethullah Werqanisî,  kurdî, Pencînar Weşanxaneya Çanda Kurdî, Sverige/Stockholm, 2000, li dora 40 rûpelî digel nivîsa bi tîpên erebî,  ISBN  91 89491 11 4. Tîpguhaztin, amadekirina ji bo çapê û mîzanpaj: Zeynelabidin Zinar.

116/27- Îslam û Ewrûpa, Ingmar Karlsson, kurdî, weşanxaneya DOZ, Stenbol/Turkiye, 2007, rûpel 252, ISBN 978-9944-227-24-4. Wergêr Zeynelabidin Zinar.

117/28- Dîwana Hesbî, Şêx Hesîb Axtepî, kurdî, weşanxaneya Lîs, Diyarbekir/Turkiye, 2008, rûpel  456, ISBN  978-9944-227-64-3, wergêr Zeynelabidin Zinar.

118/29- Keşkol, Şêx Eskerî Axtepî, kurdî, weşanxaneya DOZ, Stenbolr/Turkiye, 2008, rûpel  272, ISBN   978-9944-227-63-6,  wergêr Zeynelabidin Zinar.

119/30- Kulîlka Nîsanê, Şêx Edhem Berzanî, kurdî, Pencînar Weşanxaneya Çanda Kurdî, Sverige/Stockholm, 2010, 70 rûpel, ISBN 91 89491 87 4. wergêr Zeynelabidin Zinar.

120/31- Dîwançeya Xakî, Şêx Qudbedîn Korikî, kurdî, Pencînar Weşanxaneya Çanda Kurdî, Sverige/Stockholm, 2011, 120  rûpel, ISBN 91 8491 89 0. wergêr: Zeynelabidin Zinar.

121/32- Jinavbirina Berzaniyan, Siyamend Sêlekî, kurdî, Pencînar Weşanxaneya Çanda Kurdî, Sverige/Stockholm, 2011, 130 rûpel, ISBN 91 89491 88 2, wergêra ji tîpên erebî û mîzanpaj: Zeynelabidin Zinar.

122/33- Serpêhatiya Îsa Pêxemberî, Mele Arifê Dêrîşî, Pencînar Weşanxaneya Çanda Kurd, Sverige/Stockholm, 2014, 130 rûpel,  ISBN 91 89491 95 5, wergêra ji tîpên erebî û mîzanpaj: Zeynelabidin Zinar.

123/34- Gulzarîcan/ Yûsuf û Zuleyxa, Mele Arifê Dêrîşî, Pencînar Weşanxaneya Çanda Kurd, Sverige/Stockholm, 2014, 130 rûpel,  ISBN 91 89491 96 3, wergêra ji tîpên erebî û mîzanpaj: Zeynelabidin Zinar.

Zor sipas hûn hertim serfirazbin.
Sîpan Norşînî – zamankurdi.com
sipannorsini@gmail.com