OM namaH shivaaya .
nikhilabhuvanajanmasthamabhaN^gaprarohaaH
akalitamahimaanaH kalpitaa yatra tasmin.h .
suvimalagaganaabhe Ishasa.nsthe.apyanIshe
mama bhavatu bhave.asmin.h bhaasuro bhaavabandhaH ..
nihatanikhilamohe.adhIshatA yatra rUDhA
prakaTitaparapremnaa yo mahAdeva sa.nGYaH .
ashithilaparirambhaH premarUpasya yasya
praNayati hR^idi vishva.n vyaajamaatra.n vibhutvam.h ..
vahati vipulavAtaH pUrva sa.nskaararuupaH
pramathati balavR^i.nda.n ghUrNitevormimaalaa .
prachalati khalu yugma.n yushhmadasmatpratiitam.h
ativikalitaruupa.n naumi chitta.n shivastham.h ..
janakajanitabhaavo vR^ittayaH sa.nskR^itaashcha
agaNanabahuruupaa yatra eko yathaarthaH .
shamitavikR^itavaate yatra naa.ntarbahishcha
tamahaha haramauDe chittavR^itternirodham.h ..
galitatimiramaalaH shubhratejaHprakaashaH
dhavalakamalashobhaH GYaanapuJNjaaTTahaasaH .
yamijanahR^idigamyaH nishhkala.n dhyaayamaanaH
praNatamavatu ma.n saH maanaso raajaha.nsaH ..
duritadalanadaksha.n dakshajaadattadoshham.h
kalitakalikalaN^ka.n kamrakalhaarakaa.ntam.h .
parahitakaraNAya prANavichchhedasUtkam.h
natanayananiyukta.n niilaka.nTha.n namaamaH ..
\-\- svaamii vivekaananda
