Shiva - Suprabhatam

• Please send your corrections

  ---

  shiva suprabhaatam

   
  snaatvaa jale shiitalitaantaraN^gaaH 
      spR^iShTvaa cha puShpaaNi suvaasitaaN^gaaH . 
  viijanti prabhaatamaruttaraN^gaaH 
      uttiShTha shambho tava suprabhaatam.h .. 1.. 
   
  nandiishvaraaMbhaaninadaM manoGYaM 
      varShaabdagarjjaamiva manyamaanaH . 
  kekii kumaarasya karoti nR^ityaM 
      uttiShTha shambho tava suprabhaatam.h .. 2.. 
   
  lokaikabandhuM prasaviShyatiiti 
      praachii.n samarchyaa~njalibaddhahastaiH . 
  stotuM bhavantaM munayaH pravR^ittaaH 
      uttiShTha shambho tava suprabhaatam.h .. 3.. 
   
  brahmaadi-devodita-veda-mantraiH 
      digpaala-bhuuShaa-maNinaaM NinaadaiH . 
  kolaahalo dvaari cha saMprabhuutaH 
      uttiShTha shambho tava suprabhaatam.h .. 4.. 
   
  aabhaati shailopari lambamaanaa 
      meghaalireShaa gajacharmaniilaa . 
  niiteva shaaTii hariNaa tvadarthaM 
      uttiShTha shambho tava suprabhaatam.h .. 5.. 
   
  praacyaa samantaat.h pravikiiryamaaNaiH 
      lipto .adya lokaH sitakaantipuJNjaiH . 
  dhatte tvadiiyaaM ruchiraaN^gashobhaaM 
      uttiShTha shambho tava suprabhaatam.h .. 6..