Melbourne

Melbourne
Stad
Vlag Wapen
Ligging van Melbourne
Kaart van Melbourne
Koördinate: 37°48′49″S 144°57′47″O
Land	Australië
Deelstaat	Victoria
Administratiewe verdeling	31 Local Government Areas
Stigting	30 Augustus 1835
Regering
• Burgemeester	Robert Doyle
Oppervlak
• Stedelik	8 806 km2 (4 055,9 vk. myl)
Hoogte	31 m (102 ft)
Bevolking
• Stad	5 096 298 (2 021)
Tydsone	UTC+10:00 (AOST)
• Somertyd	UTC+11:00 (AODT)
Webwerf	melbourne.vic.gov.au

Melbourne (Engels: [ˈmɛlbərn], ) is die hoofstad van die Australiese deelstaat Victoria en die tweede grootste stad in Australië naas Sydney met 'n bevolking van meer as vyf miljoen volgens die 2021-sensus.

'n Lugbeeld van Melbourne se stadshorison

Die nedersetting is in 1835 deur 'n groep koloniste uit Tasmanië op die oewers van die Yarrarivier gestig. In 1842 word dit as 'n stad geproklameer.

Melbourne is 'n multikulturele stad wat mense van orals oor die wêreld verwelkom. Dit is bekend vir sy tremme. Die stad het verskeie groot parke en ook 'n paar strande.

Klimaat

Weergegewens vir Melbourne (Stad)
Maand	Jan	Feb	Mar	Apr	Mei	Jun	Jul	Aug	Sep	Okt	Nov	Des	Jaar
Hoogste maksimum (°C)	45,6	46,4	41,7	34,9	28,7	22,4	23,3	26,5	31,4	36,9	40,9	43,7	46,4
Gemiddelde maksimum (°C)	25,9	25,8	23,9	20,3	16,7	14,1	13,5	15,0	17,2	19,7	22,0	24,2	19,9
Gemiddelde minimum (°C)	14,3	14,6	13,2	10,8	8,6	6,9	6,0	6,7	8,0	9,5	11,2	12,9	10,2
Laagste minimum (°C)	5,5	4,5	2,8	1,5	−1,1	−2,2	−2,8	−2,1	−0,5	0,1	2,5	4,4	−2,8
Neerslag (mm)	47,3	48,1	50,4	57,3	56,0	49,2	47,6	50,1	58,0	66,2	60,3	59,3	649,6
Reëndae (d)	8,4	7,5	9,4	11,8	14,6	15,4	16,1	16,1	14,9	14,2	11,8	10,4	150,6
Humiditeit (%)	47	48	49	52	59	63	61	56	53	50	49	47	52,9
Bron: Bureau of Meteorology (Australië)

Sport

Die Melbourne-krieketveld

Melbourne beskik met die Melbourne-krieketveld oor 'n belangrike toetskrieketstadion. Beide die Australiese nasionale krieketspan en die Australiese nasionale vrouekrieketspan speel van hulle tuiswedstryde in die stad. Die Melbourne-krieketveld het onder andere wedstryde tydens die Vrouekrieketwêreldbeker 1988, die krieketwêreldbekertoernooie in 1992 en 2015, asook beide die T20I-vrouewêreldbeker 2020 en die T20I-wêreldbeker 2022 gehuisves.

In rugby is Melbourne voorheen tydens Superrugby deur die Melbourne Rebels verteenwoordig wat sy tuiswedstryde op die Melbourne Reghoekige Stadion en vroeër op die Docklands-stadion gespeel het. In 2024 het Rugby Australia dié konsessie egter om finansiële redes onttrek. Die Docklands-stadion is ook tydens die Rugbywêreldbeker 2003 gebruik. Dit sal ook tydens die Rugbywêreldbeker 2027 vir wedstryde gebruik word. In Melbourne speel beide die Wallabies en die Wallaroos van hulle tuiswedstryde op die Melbourne Reghoekige Stadion.

Melbourne het ook die Olimpiese Somerspele 1956 gehou en in 2006 die 18de Statebondspele aangebied. In Januarie word jaarliks vir twee weke een van die mees prestigeryke kampioenskappe in professionele tennis aangebied: Die Australiese Ope. Dit vorm saam met die Franse Ope, VSA-Ope en Wimbledon-kampioenskap die vier "Grand Slam"-toernooie van elke jaar. Melbourne was ook een van die Australiese gasheerstede tydens die Vrouesokkerwêreldbeker 2023.

Eksterne skakels

• Wikimedia Commons het meer media in die kategorie Melbourne.
• (en) Toerisme-inligting oor Melbourne op Wikivoyage
• (en) Amptelike webwerf
• (en) "Melbourne". Encyclopædia Britannica. Besoek op 23 April 2025.

	Hoofstede van Australië
Hoofstede Adelaide • Brisbane • Canberra • Darwin • Hobart • Melbourne • Perth • Sydney