Camelus

*Camelus*
Camelus bactrianus
Clasificación cientifica
Reino:	Animalia
Filo:	Chordata
Clase:	Mammalia
Orden:	Artiodactyla
Familia:	Camelidae
Chenero:	Camelus
Descripción
Camelus Linnaeus, 1758

Camelus ye un chenero formau por dos especies de mamifers grans de zonas aridas d'Asia y Africa que destacan por tener chepas en a lomera on acumulan substancias de reserva. A especie orichinaria d'Arabia, o Camelus dromedarius (u dromedario), en tien una, y a especie d'Asia Central, Camelus bactrianus (u camello) en tien dos.

A leit de camella, ye utilizada pa consumo humano bien per medio de inchestión directa u a suya transformación en yogurt u una mena de cuallada. Ha estau utilizada prencipalment por tribus nomadas d'os disiertos africanos y en Orient Meyo prencipalment en países arabes. En l'actualidat, a industria de leit de camello ha creixiu en Australia y os Estaus Unius como una alternativa ecolochica a la producción de leit de vaca, pus o camello ye millor adaptada a las rechions aridas que la vaca, anque tien mayor coste de producción y un alto pre, per lo que o suyo consumo se produz en arias con personas con un poder adquisitivo meyo-alto.

Especies

As solas dos especies vivas d'o chenero Camelus en l'actualidad son o dromedario (Camelus dromedarius), o camello (Camelus bactrianus).

Camelus bactrianus, conoixiu como camello.
Camelus dromedarius, conoixiu como dromedario.
Camelus gigas †.
Camelus hesternus †.
Camelus kujalnensis †.
Camelus sivalensis †.

O camello ha dau nombre a un recipient en aragonés, a "gamella", y de feito en o Libro d'as Marabillas d'o Mundo podemos leyer gamello (casas de cueros de gamellos, los cuales maduran y emblandescen). En aragonés tamién bi ha mencions a camellos en a literatura alchamiata. En o Libro d'el Trasoro dedican o capítol 180 a los camellos:

Camellos son en dos maneras: vnos que son en Arabia e han dos bocas desus la squina; los otros son en Berberia, que no han sino vna boca e son muy fuertes e sus pies no pueden star gastados por muyto camjnar. Los grandes camellos son por leuar muy grandes cargas. e los otros chicos, que son clamados dromedarios, son buenos pora andar quexadament luenga tierra; mas los vnos e los otros son enemjgos a los cauallos.