Formicidae

Formicidae
Forniga
Denominacions populars
forniga / formica, formiga, fornica, furniga
Clasificación cientifica
Dominio:	Eukaryota
Reino:	Animalia
Subreino:	Metazoa
Filo:	Arthropoda
Subfilo:	Hexapoda
Clase:	Insecta
Subclase:	Pterygota
Infraclase:	Neoptera
Superorden:	Endopterygota
Orden:	Hymenoptera
Suborden:	Apocrita
Superfamilia:	Vespoidea
Familia:	Formicidae
Subfamilias y cheneros
Subfamilias y chéneros de Formicidae Cheneros: Formica, Eciton, Pheidole Atta, Ponera, Cerapachys Myrmecia, Pseudomyrmex, etc. Subfamilias: Formicomorph Aneuretinae Dolichoderinae Formicinae Myrmeciomorph Myrmeciinae Pseudomyrmecinae Dorylomorph Cerapachyinae Ecitoninae Leptanilloidinae Aenictinae Dorylinae Aenictogitoninae Leptanillomorph Apomyrminae Leptanillinae Poneromorph Amblyoponinae Ponerinae Ectatomminae Heteroponerinae Paraponerinae Proceratiinae Myrmicomorph Agroecomyrmecinae Myrmicinae Armaniinae Sphecomyrminae Brownimeciinae Formiciinae Paleosminthurinae

Las fornigas^[1]^{[nota 1]} u formicas^[1]^{[nota 2]} (nombre cientifico Formicidae) son una familia d'insectos, que se caracterizan sobretot porque forman colonias complexas, a suya distribución abarca toz es continentes y i hai especies en tot lo mundo menos en l'Antartida, Groenlandia, Islandia, y parte d'a Polinesia.

S'estima que i hai entre mil billons y diez mil billons de fornigas vivindo sobre la Tierra y lo suyo dominio ecolochico se puet medir per a suya biomasa: estimacions realizadas en distintos entornos indican que representan per termin meyo lo 15-20% d'a biomasa total de los animals terrestres, que s'eleva a cuasi lo 25% en a zona tropical. D'alcuerdo con estas estimacions, la biomasa de totas las fornigas existents en o mundo sería semellant a la biomasa total de toz es seres humans.

Muitas culturas humanas las utilizan como alimento, medicina y como obchecto de rituals. Manimenos, a suya capacidat d'esclatar recursos provoca que las fornigas dentren en conflicto con os humans, ya que pueden danyar cultivos y invadir edificios, per unatra parte cualques especies son muito valoradas en o suyo papel d'achents de control biolochico.

Tienen 6 garras y antenas, y belunas tienen alas.

En a cultura popular

En a cultura popular a ormino se les utiliza de forma moralista y eixemplarizant representando lo treballo intenso y lo esfuerzo cooperativo per o suyo treballo duro.

Son comuns as suyas aparicions en cuentos pa ninos y en fabulas, estando especialment conoixida la de lo ferfet y la forniga d'Esopo, asinas como en textos relichiosos como la Biblia u l'Alcorán.

En o cine

Las fornigas en o cine han inspirau numerosas cintas d'animación como Antz, A Bug's Life, Minuscule: La vallée des fourmis perdues u The Ant Bully con muito exito d'espectadors y taquilla, tamién cal destacar la popular serie de debuixos animaus Atom Ant (La forniga atomica).

Tamién ye un tema recurrent en cintas de tematica de ciencia ficción y de terror, entre las que cal destacar Them! y The Naked Jungle (con Charlton Heston) totas dos de l'anyo 1954, Phase IV de 1974, Empire of the Ants con Joan Collins y Ants las dos de 1977, It Happened at Lakewood Manor de 1998, Destination: Infestation de 2007, u las cintas basadas en o personache de Marvel dito Ant Man (Ant Man de 2015 y Ant Man and the Wasp de 2018) entre d'atras aparicions en atras cintas de l'Universo Marvel.

Mazadas

Fornigas en ringlera, salen dispués de tronar.
Fornigas en ringlera, u pleve u fa sol y sequera / Fornigas en ringlera, u temporal u sequera.^[2]