Magnoliopsida

Magnoliopsida
Una magnolia. Se considera que as magnolias tienen un modelo arcaico de flor en o que as diferents estruturas (sépals, petalos, estamens, carpelos) se troban en un eixe helicoidal en cuenta d'estar en coronas como as atras anchiospermas, feito que se considera mes recient.
Denominacions populars
dicotiledonias
Clasificación cientifica
Dominio:	Eukaryota
Reino:	Plantae
División:	Magnoliophyta
Clase:	Magnoliopsida

As dicotiledonias (nombre cientifico Magnoliopsida) son una clase d'a subdivisión Magnoliophyta, con mes de 174.000 especies conoixidas, clasificadas en 8 subclases y 350 familias. Poseyen dos cotiledons.

Os dos cotiledons son insertos lateralment en l'embrión.

A radiz principal dura muito tiempo. Os faixos conductors por un regular se disposan en cerclo en a sección transversal d'o tallo (eustela) y son ubiertos, y con l'actividat d'o cambium pueden creixer en grosor d'una traza secundaria.

As fuellas son polimorfas, encara que por un regular pecioladas, con niervos formando un rete (nervatura reticulada) y a vegadas composadas. Son frecuents as estiplas, raras as vainas.

Os chitos axilars trayen primero dos profilos transersals.

Predominan as flors con verticilos pentameros (5 sepalos, 5 petalos, 5 estamens, 5 carpelos) u tetrameros, (4 sepalos, 4....), pero bi ha muitas excepcions.

Predomina a formación simultania d'o polen, a sobén tricolpau. O endosperma ye nucleyar u celular.

A forma de desarrollo d'as primeras magnoliopsidas yera arboria, y muitas especies actuals en son.

Referencias

• Datos: Q1307404
• Multimedia: Magnoliopsida / Q1307404