Chlorum
 |
Cave: notitiae huius paginae nec praescriptiones nec consilia medica sunt. |
| |||||||||||||||
| Proprietates generales | |||||||||||||||
|---|---|---|---|---|---|---|---|---|---|---|---|---|---|---|---|
| Nomen, Symbolus, Numerus Atomicus | chlorum, Cl, 17 | ||||||||||||||
| Grex, Periodus, Glaeba | 17, 3, p | ||||||||||||||
| Color |  | ||||||||||||||
| Pondus atomicum | 35,453(2) g·mol−1 | ||||||||||||||
| e- per sphaeram | 2, 8, 7 | ||||||||||||||
| Proprietates physicae | |||||||||||||||
| Status | Gas | ||||||||||||||
| Punctum liquefactionis | 171,6 K (-101,5 °C, -150,7 °F) | ||||||||||||||
| Punctum fervoris | 239,11 K (-34,04 °C, -29,27 °F) | ||||||||||||||
| Punctum criticum | 416,9 K, 7,991 MPa | ||||||||||||||
| Calor latens fusionis | 6,406 kJ·mol−1 | ||||||||||||||
| Capacitas caloris | (25 °C) 33,949 J·mol−1·K−1 | ||||||||||||||
| |||||||||||||||
| Proprietates atomicae | |||||||||||||||
| Structura crystallina | Orthorhombica | ||||||||||||||
| Affectus oxidationis | 7,5,3,1,-1 | ||||||||||||||
| Radius covalentiae | 102±4 pm | ||||||||||||||
| Radius Van der Waals | 175 pm | ||||||||||||||
| Varietas | |||||||||||||||
| Conductus caloris | (25 °C) 0,0089 W/(m·K) | ||||||||||||||
| Velocitas soni | (25 °C) 206 m/s | ||||||||||||||
Chlorum[1] seu chlorium[2] est elementum chemicum halogenium cui numerus atomicus 17 et nota Cl et massa atomica 35,45. In systemate periodico ad gregem 17 et periodum tertiam pertinet (configuratio electronica 3s23p5). Sales cum metallis alcalinis facit, e.g. natrii chloridum vel salem communem. Praeter carbonium, oxygenium, nitrogenium nobiliaque gasa chlorum cum omnibus aliis elementis reagit. Inprimis metalla oxidat.
Chlorum in ordinis mundi sanitarii indicem exemplarem medicamentorum essentialium receptum est.
De purificatione et usu humano
[recensere | fontem recensere]Corpus purum est gasium flavoviride (unde nomen e Graeco χλωρόν) et toxicum e moleculis biatomicis Cl2 constans, quod infra -35 gradus Celsianos condensatur. Per hydrolysem e natrii chlorido fuso purificatur. Tamquam substantia albicans adhibetur et ad inquinatas aquas purgandas (aquae potabili publice distributae semper parva pars chlori addita est). In pesticidarum quoque et plasticarum et solventium industriis utile est.
In biologia
[recensere | fontem recensere]In liquidis organicis anion chlorum (Cl−
) electrolyticae homoeostasi et pressioni osmoticae moderandae operam dat. Medici quantitatem chlori (chloraemia) in sanguine metiri solent. Acidum hydrochloricum (HCl) in glandulis stomachi mucosae a cellulis parietalibus dictis elaboratum, quae ionta (Cl−
) et (H+
) emittunt, digestioni chemicae alimentorum necessarium est quia pH optime inter 1,5 et 3.5 in cavo stomachi efficit et proteinarum structuras evolvit.
Chlori composita chemica
[recensere | fontem recensere]Chlorum multipliciter in natura inveniri potest. Anion (Cl−
) chlorum chlorida format. Alia chlori aniona quoque compositorum chemicorum magni momenti partes sunt ut chlorata (ClO−
3), chlorita (ClO−
2). Chlorum cum oxygenio alia vincula format, chlori oxida, ut chlori monoxidum (ClO•), chlori dioxidum (ClO
2), chlori peroxidum (Cl
2O
2). Composita organochlorini sunt composita chemica in quibus atomi hydrogeni chloro substituti inveniuntur. Non paucis dioxinorum atomi chlori insunt, ut 2,3,7,8-tetrachlorodibenzodioxino, quod Bello Indosinensi II ineunte pars agenti aurantio herbicidae fuit.
Exempla chlori compositorum chemicorum:
- Acidum hydrochloricum (sive acidum muriaticum, acidum salis) H
3O+
Cl− - Chlori dioxidum ClO
2 - Myonium chloratum MuCl
- Natrii chloridum ("sal") NaCl
De chloro in stratosphaera
[recensere | fontem recensere]Olim etiam chlorofluori carbonida (CFC) vulgo adhibebantur velut gasia refrigerantia aut propulsatoria. Postquam vero cognitum est illas moleculas stratum ozontis delere et exitium ita vitae terrestri minari protocollum Montis Regii eorum usum vetuit. Nam illae moleculae non facile dissolvuntur et usque ad stratosphaeram ascendunt ubi a radiis ultraviolaceis secantur. Tum formantur radicalia instabilia Cl• quae oxygenium captant et rursus dimittunt secundum reactiones infrascriptas:
- Cl•(g) + O3(g) → ClO• + O2
- ClO•(g) + •O•(g) → Cl• + O2
Atomi chlori oxygenium a redintegratione ozontis moleculae prohibent. Praeterea chlorum in reactione non consumitur: ita velut catalysator statim rursus idem agere potest, quod damnum multiplicat.
Notae
[recensere | fontem recensere]- ↑ "Ametallica: ... chlorum" (vide p. 20 apud Google Books)
- ↑ "Chlorium": Peter van der Krogt, "Elementa chemica" apud situm Elementymology & Elements Multidict
Nexus externi
[recensere | fontem recensere]- Vicimedia communia plura habent quae ad chlorum pertinent.
- Hoc elementum apud Patreon: periodic videos
- Quid chlorum efficiat
- Chlorum: proprietates, fabricatio, usus
 | |
|
1 H 2 He 3 Li 4 Be 5 B 6 C 7 N 8 O 9 F 10 Ne 11 Na 12 Mg 13 Al 14 Si 15 P 16 S 17 Cl 18 Ar 19 K 20 Ca 21 Sc 22 Ti 23 V 24 Cr 25 Mn 26 Fe 27 Co 28 Ni 29 Cu 30 Zn 31 Ga 32 Ge 33 As 34 Se 35 Br 36 Kr 37 Rb 38 Sr 39 Y 40 Zr 41 Nb 42 Mo 43 Tc 44 Ru 45 Rh 46 Pd 47 Ag 48 Cd 49 In 50 Sn 51 Sb 52 Te 53 I 54 Xe 55 Cs 56 Ba 57 La 58 Ce 59 Pr 60 Nd 61 Pm 62 Sm 63 Eu 64 Gd 65 Tb 66 Dy 67 Ho 68 Er 69 Tm 70 Yb 71 Lu 72 Hf 73 Ta 74 W 75 Re 76 Os 77 Ir 78 Pt 79 Au 80 Hg 81 Tl 82 Pb 83 Bi 84 Po 85 At 86 Rn 87 Fr 88 Ra 89 Ac 90 Th 91 Pa 92 U 93 Np 94 Pu 95 Am 96 Cm 97 Bk 98 Cf 99 Es 100 Fm 101 Md 102 No 103 Lr 104 Rf 105 Db 106 Sg 107 Bh 108 Hs 109 Mt 110 Ds 111 Rg 112 Cn 113 Nh 114 Fl 115 Mc 116 Lv 117 Ts 118 Og | |
