جرمن بولی

جرمن
Deutsch / Deutsche
بولن والے دیس:	جرمنی، آسٹریا، سویٹزرلینڈ
بولن والے:	12 کروڑ لوک
بولی ٹبر:	ہند یورپی بولیاں
لپی:	رومن
دنیا چ نمبر:	11 واں

جرمن اک لہندی جرمن بولی ہے اَتے اینج ایہہ ڈچ اَتے انگریزی نال رلدی ہے۔ ایہہ دنیا دیاں وڈیاں بولیان چوں ہے اَتے یورپی یونین دی سب توں وڈی بولی ہے۔ دنیا چ 12 کروڑ لوکاں دی ایہہ ماں بولی ہے نالے 8 کروڑ لوک ایہنوں جاݨدے نیں۔ سٹینڈرڈ جرمن سکولاں، کالجاں، یونورسٹیاں، اَتے گوئٹے انسٹیٹیوٹاں چ پڑھائی جاندی ہے۔

نیرکتا

بول جرمن لاطینی توں آیا ہے۔ ایہہ بول پہلی واری جولیس سیزر نے ورتیا اوہنے جرمنی اک قبیلے دا زکر کیتا جیہڑا گال دے اتلے چڑھدے پاسے چ وسدا سی اتے اینج اودھر دے سارے لوک جرمن آکھواۓ۔ اوہ جیہڑی بولی بولدے سن اوہ فیر جرمن آکھوائی۔

جرمن لوک آپ اپنی بولی نوں ڈوئچ کہندے نیں۔ ڈوئچ دا مطلب عام لوک تے عام لوکاں دی بولی۔ ایہہ لاطینی توں الٹ سی جیہڑے پڑھے لکھے لوکاں دی بولی سی۔ ڈچ ایہدے نال رلدی بولی ہے۔

جغرافیائی ونڈ

جرمن جرمنی (95٪)، آسٹریا (89٪) تے سویٹزرلینڈ (65٪) چ بولی جاندی ہے۔ چرمن لکسمبرگ تے لیختنشٹاین دی چوکھی ساری لوک گنتی دی وی بولی ہے۔ ایہدے نال ایہہ اٹلی فرانس بیلجیم اتے ڈنمارک دے کُجھ پاسیاں چ وی بولی جاندی ہے۔ ایہناں دے نال جرمن یورپ دے ہور دیساں وچ وی کدرے کدرے بولی جاندی ہے۔

امریکی کعراں چ بولن دے سعاب نال جرمن پنجویں وڈی (14 لکھ) بولی اے انگریزی ہسپانوی چینی اَتے فرانسیسی ایس توں پہلے نیں۔ انٹرنٹ تے انگریزی دے مگروں چرمن سب توں چوکھی ورتی جان والی بولی ہے۔

مڈ

جرمن وچ سب توں پرانی لکھت نوویں صدی دی مسپلی ہے۔ جرمنی اوس ویلے نکے نکے راجاں چ ونڈیا ہویا سی ایس لئی سارے لکھاری اے کردے سن جے ایس جرمن بولی چ لکھیا جاۓ جیہنے چوکھے وڑے لوک پڑھ سکن۔

نویں جرمن

1522 چ مارٹن لوتھر نے جرمن چ بائبل چھاپی۔ 1800 دے گیڑے چ سٹینڈرڈ جرمن سامنے آݨ لگی۔ 1901 چ اینوں پورا پورا سٹینڈرڈ بنا لتاگیا۔ 1996 چ جرمن نوں فیر سدا کرن بارے سوچیا گیا۔

منی ہوئی جرمن

منی ہوئی یا سٹیندرڈ جرمن کسے خاص تھاں دی جرمن نیں لکھی ہوئی جرمن نون سٹیندرڈ کیا جاندا اے۔ پر فیر وی سٹینڈرڈ جرمن نے اتلے جرمنی دیاں کئی تھاواں تے اوس تھاں دی جرمن دی تھان لے لئی اے۔ لہران ج وی سٹینڈرد جرمن ای چلدی اے۔

جرمن: بدیسی بولی

انکریزی بولن والی دنیا چ جرمن، فرانسیسی تے ہسپانوی دے مگروں تیجی وڈی سکھی جان والی بولی اے۔ جرمن 90 توں 95 ملین تک یا 13٪ یورپیاں دی بولی اے روسی بولی دے مگروں اے یورپیاں دی سب توں وڈی ماں بولی اے۔ جیہڑی انگریزی تے فرانسیسی توں ود کے اے۔ تے اینج اے یورپی جٹ دی پہلی وڈی بولی اے۔ اے یورپی جٹ دیان سرکاری بولیان چ اک اے۔

جرمن بولیاں

جرمن بولی جرمن بولیاں دے ٹبر دی اک لیندی ٹعنی اے جیری ہند یورپی بولیاں دے ٹبر جوں اے۔ جرمن بولی نوں دو انکاں چ ونڈیا جاسکدا اے: ہائی جرمن تے لو جرمن۔ نال نال جڑیان ہویاں بولیان دے لوک ای اک دوجے دے بولی سمج سکدے نین دور والیان لئی سٹیندرد جرمن ای ملن دا ول اے۔

تھلویں جرمن

تھلویں جرمن ہانزا لیگ چ سب نوں سمج آن والی بولی سی۔ اے اتلے جرمنی دی وڈی بولی سی۔ پر 1534 چ لوتھر دے بائبل نوں اتلی جرمن ج پلٹن نال سب پلٹ گیا۔ اتلی ہائی جرمن سائینس تے ساہت دی وی بولی بن کئی۔ امریکہ تے ایشیاء نوں کاروباری رستیاں نے وی اتلے جرمنی دے راہواں دا مل کعٹا دتا۔ نالے جرمنی دے تکڑے تھان تھلویں تے وشکارلے جرمنی چ سن۔

جرمن لکھاری

گوئٹے (1749–1832)	فریڈرش شلر (1759–1805)	گرم پعرا (1785–1863)	تھامس مان (1875–1955)	ہرمن ہیسے (1877–1962)

جرمن بول

جرمن بولی دے چوکھے سارے بول پرانی جرمن تے رلدیاں جرمن بولیاں چوں آۓ نیں. تھوڑے جۓ بول یونانی تے لاطینی توں آۓ نین تے اوس توں تھوڑے فرانسیسی توں آۓ نیں تے کج دیر توں انگریزی توں وی ارۓ نیں۔ ایدے نال نال جرمن بولی چ اے وی خوبی اے جے بدیسی بولاں نال رلے جرمن چوں ای بول بنا سکدی اے۔ نویں بول بنان دے ایس ول نال نویں صدی ج جرمن دے 40000 دے نیڑے بول سن تے لاطینی ایس کم چ بعوں پچھڑی سی۔

جرمن رومن لپی ج لکھی جاندی اے۔ جرمن چ 26 اکرے نیں۔ 3 املاؤت نیں۔

جرمن نوں پھیلانا

جرمن بولی نوں ورتن تے پھیلان لئی کئی ادارے کم کر رۓ نیں۔ گوئٹے انسٹیٹیوٹ یورپ چ تے دنیا چ جرمن بولی تے رہتل نوں پھیلان تے اودے بارے جانکاری دین دا اک سرکاری تے وڈا ادارہ اے۔

دیس	یورپ توں باہر جرمن بولن والے
امریکہ	5,000,000
برازیل	3,000,000
ارجنٹائن	500,000
کینیڈا	450,000 – 620,000
میکسیکو	200,000
آسٹریلیا	110,000
دکھنی افریقہ	75,000
بولیویا	100,000
چلی	40,000
پیراگوۓ	30,000 – 40,000
نیو زیلینڈ	37,500
نامیبیا	30,000
وینزویلا	10,000
اردن	50,000