Menlyn

Menlyn
Voorstad
Aansluiting van Lois- en Glen Manorstrate met die Menlyn Central-gebou op die agtergrond
Menlyn  Menlyn se ligging in Gauteng
Koördinate: 25°46′59″S 28°16′31″O
Land	Suid-Afrika
Provinsie	Gauteng
Munisipaliteit	Stad Tshwane
Hoofplek	Pretoria
Oppervlak
• Totaal	0,56 km2 (0,22 vk. myl)
Bevolking  (2011)
• Totaal	491
• Digtheid	877/km2 (2 270/vk. myl)
Rasverdeling (2011)
• Wit mense	18,7%
• Indiërs/Asiërs	4,3%
• Bruin mense	3,3%
• Swart mense	54,2%
• Ander	19,6%
Taal (2011)
• Engels	38,6%
• Afrikaans	16,4%
• Xhosa	12,2%
• Tswana	5,4%
• Ander	27,4%
Poskode (strate)	0181
Poskode (posbusse)	0063

Menlyn is 'n klein maar besige voorstad in die suidooste van Pretoria, Suid-Afrika. Menlyn is bekend vir sy groot winkelsentrums soos Menlyn Park en die aanliggende moderne, omgewingsvriendelike Menlyn Maine-gebied. Dit is naby die Atterbury-wisselaar van die N1-hoofweg geleë, en is ongeveer 5 km suid van die N4. Die voorstad is 'n spilpunt vir vermaak met plekke soos die Sun Arena, 'n verskeidenheid restaurante en kroeë, en nabyheid aan die Faerie Glen-natuurreservaat. Verskillende kantoorparke is ook hier geleë.

Menlyn Park-winkelsentrum is in 1979 geopen. Na uitbreiding en opknapping in 1988 en 2016 is dit tans een van die grootste winkelsentrums in Suid-Afrika. Dit het honderde winkels, 'n dak-inryteater en ander vermaaklikheidsopsies. Die Barnyard Teater word beskryf as 'n unieke teaterervaring in Menlyn Park. Ontwikkeling van die nabygeleë Menlyn Maine-gebied het in 2006 begin. Sedert 2017 is dit 'n moderne, gemengde-gebruiksarea met nuwerwetse winkels, restaurante, kroeë. Die Sun Arena by Time Square bied konserte, internasionale optredes en ander geleenthede aan.

Menlyn Maine word beskryf as 'n "groen stad" wat op energie-doeltreffendheid en volhoubaarheid gefokus is. Die volhoubare elemente sluit reënwateropvangs en doeltreffende ontwerp in, om die omgewingsimpak te verminder. 'n Gebou van 4 200 vierkante meter met die BMW IT Hub SA as huurder is in November 2015 voltooi. Dit huisves onder meer die SAP Competence Hub, en is op die hoek van Aramist- en Amarandlane geleë. Openbare vervoerhaltes vir die Gautrein-bus na bestemmings soos Time Square Casino is by die kruising van Lois- en Gobiestrate geleë. Nuwe plaaslike straatname soos Aramand, Aramist, Bancor en Corobay het kwalik enige historiese of ander konnotasies.

Verwysings

Hierdie artikel omtrent 'n plek in Pretoria en omgewing is slegs ’n saadjie. Jy kan die Afrikaanse Wikipedia help deur dit uit te brei.

2015: 'n Gebou met die BMW SAP Competence Hub as primêre huurder is voltooi.